“Эрүүл мэндийн даатгалын цэнхэр шиг хэрэггүй зүйл алга” гэж бухимдах иргэн цөөнгүй. Учир юу гэвээс иргэн бүр Эрүүл мэндийн даатгалын цэнхэр дэвтэр байхад насны эцэст эмнэлэг бараадна, үнэ төлбөргүй эмчилгээ хийлгэнэ гэж боддог. Харин нарийн мэргэжлийн мэс засал, шинжилгээ, MRA-д харуулахад Эрүүл мэндийн даатгалын дэвтэр өчүүхэн ч хэрэг болдоггүй. Насаараа шахам эрүүл мэндийн даатгал төлсөн иргэд эмнэлэгт хандахад өөдөөс нь төлбөр мөнгө нэхдэг.
Эрүүл мэндээ бодон татвар төлсөн хадгаламжийн дэвтэр болох даатгалын цэнхрээ гаргаад ирэнгүүт “Наадах чинь үйлчлэхгүй, ор хоногийн 60 мянган төгрөг төл” гээд дарамталчихдаг. Улсын эмнэлэгт ч гэсэн тархины бичлэг хийлгэхээс өгсүүлээд эм тариагаа хүртэл гаднаас зөөнө. Тиймээс иргэд “Тэр цэнхэр дэвтрийн ид шид хаана байна” хэмээн бухимдахад хүрдэг.
Гэтэл төр засгийн зүгээс Эрүүл мэндийн салбарт чадлынхаа хэрээр мөнгө төсөвлөдөг, өгдөг байх юм.
Тухайлбал эмнэлгүүдийн ор хоногийн мөнгийг Эрүүл мэндийн даатгалын сангаас олгодог. Жилдээ л гэхэд 171 эмнэлэг 133 тэрбум төгрөг улсын төсвөөс авдаг байх юм. Өөрөөр хэлбэл иргэн таны эрүүл мэндийн даатгалд сар болгон төлдөг мөнгө 171 эмнэлэгт эмчилгээ, ор хоногийн мөнгө болон хуваарилагдан очдог. Тийм учраас Эрүүл мэндийн даатгалын сангаас ор хоногийн мөнгө авах гэсэн уралдаан явагдаж, гурван ортой, 300 ортой хэмээн мөнгө нэхсэн нэхэмжлэлүүд Эрүүл мэндийн яам дээгүүр “нисэлдэж” байх юм.
Саяхан Эрүүл мэндийн яамаар шагайхад уушиг зүрх нь сагсайсан хувийн эмнэлгийн захирлууд салбарын сайд Н.Удвалыг барьж идэх нь. Цаадах нь юу хийсэн юм бэ гэхээр зарим эмнэлгийн орны тоог хасчихсан гэнэ. Гурван өрөө байрандаа 30 ор тавьчихаад эмчилгээ хийдэг зарим эмнэлгүүдийг 15 ортой болгоод явуулчихсан юм байх. Яг үнэндээ бол тооцоо судалгаа авсан юм билээ.
Хувийн эмнэлгүүд хэтэрхий их мөнгө хөөдөг, гадуур эмчлүүлж болох өвчтөнийг заавал хэвтүүлдэг, өвчтөний хуурамч түүх зохиодог гэх мэт шүүмж байдаг байна. Тийм учраас зарим эмнэлэг, сувиллын ор хоногийн мөнгийг хасчээ. Үнэндээ бол гурван өрөө байранд 30 ор байх ямар ч үндэслэлгүй. 30 орны мөнгийг гуч хоногт үржүүлээд Эрүүл мэндийн яамнаас хэдэн зуун саяар нь нэхээд байдаг. Эрүүл мэндийн яам төвөгшөөсөндөө бус судалгаа хийсний дээр үндэслэн ор хоногийн мөнгийг хассан болох нь харагдана.
“Мойлтын тохой” гэдэг сувилал 170 ортой гээд санхүүжилт авдаг байсан байх юм. Гэтэл Эрүүл мэндийн яамнаас энэ жил орны тоог нь 70 болгон бууруулсан байна. Энэ тооноос харахад “Мойлтын тохой” гэдэг сувиллын газар урьд өмнө 170 ортой хэмээн илүү мөнгө авч байсан уу гэх хардлага төрнө.
Мөн “Ачит эх” эмнэлгийн 25 орыг 10, “Авецина” эмнэлгийн 73 орыг 43, “Аюурвед” эмнэлгийн 55 орыг 35, “Энх ундарга” эмнэлгийн 80 орыг 45 болгон бууруулжээ.
Эдгээр эмнэлэг тийм олон ортой байсан уу, үгүй юү гэдгийг татвар, Мэргэжлийн хяналтын байцаагчдаас тодруулахад “Яг үнэндээ бол ихэнх хувийн эмнэлэг Эрүүл мэндийн даатгалын сангаас санхүүждэг юм билээ.
Эмнэлгүүдийн олонхи нь өөрийн гэсэн байр оронгүй байдаг. Зарим нь бүр Эрүүл мэндийн даатгалын сангаас амь зогоож байгаа” гэсэн хариулт өгсөн. Нэг хэсэг эмч нар өвчтөний хуурамч түүх бичин Эрүүл мэндийн даатгалын санг цөлмөж байсан билээ. Одоо ч гэсэн энэ хууль бус асуудлыг зогсоож чадахгүй байгаа юм. Хувьсах зардалд нь ор хоногийн мөнгө ордог.
Хувийн эмнэлэг, сувиллууд ор хоногийн мөнгийг даатгалын сангаас авах хэрнээ иргэдээс давхар авна. Өвчтөнийг арав хоног хэвтүүлэн эмчлүүлэхэд Эрүүл мэндийн даатгалын сангаас 175 мянган төгрөг авдаг хэрнээ иргэнээс 600 мянгыг авч орхино.Хувийн эмнэлгүүд аж ахуйн тооцоотой учраас ор хоногийн мөнгө хэд байхыг өөрсдөө шийднэ. Хувийн эмнэлгийн удирдлагууд “Эрүүл мэндийн даатгалын сантай хамтарч иргэдийн эрүүл мэндийн манаанд зогсдог” гэх аж.
Монгол улсад 10 мянган хүн амд ногдох эмнэлгийн орны тоо 92.6 байна. Энэ нь дэлхийн бусад улс орнуудтай харьцуулахад хамаагүй өндөр тоо юм. Гэтэл манай хувийн эмнэлгүүдийн 70-80 хувь нь орны тоогоо нэмүүлье гэсэн хүсэлт байнга гаргадаг байх юм. Үнэхээр эмчлүүлэгч олонтойдоо байна уу, нийгмийн даатгалаас авах санхүүжилтээ нэмэх гэсэн үү гэдгийг ялгах л хэрэгтэй. Жишээ нь Дархан уул аймгийн “Саран элит” гээд эмнэлэг байна.
Анх 20 ортой гэж санхүүжилт авдаг байж байгаад гэнэт 60 орны тоогоор санхүүждэг болжээ. Харин Эрүүл мэндийн сайдын 2014 оны тушаалаар ийм олон ор танай эмнэлэгт хэрэггүй, хүн амын тоог нь бодсон ч тэр, танай эмнэлгийн хүчин чадлыг харсан ч 60 биш 32 ортой байхад хангалттай юм байна гээд орны тоог нь баталсан байдаг. “Саран элит” эмнэлгийн захирал нь Дархан-Уул аймгийн Эрүүл мэндийн газрын дарга байж байгаад Нийгмийн даатгалын газрын даргаар томилогдсон байдаг. Энэ мэт жишээ, баримт цөөнгүй байдаг юм.
Т.Эрдэнэ
Эх сурвалж:
Сэтгэгдэл0
ergui udvalaa ajilaa hiigeech
Udval zev l baina xuviin emnelguud daatgalyn sangaas sanxuujilt avdaggiig dengej say medlee Tegeed bas irgedees or xonogyn menge avdag bizdee Ingej shulaj boloxgui sh dee ard tumnyg. Bidny tatvaryn mengeer sanxuujdeg tegeed deer ni bas menge avdag bol baij boloxgui zuil Daatgalaas avdagyg boliulax xeregtei
duugui ajilaa hii,olon yum bitgii soliorood bai,tegehgui tegeed yaaj ene ulsig chini hugjuulehiin malaa
Юу үнэн энэ үнэн. Улсын нэртэй эмнэлгүүд бүгд ижилхэн. Хан -Уулын эмнэлэгт хэд хоног хэвтсэн. Эхний 4 хоногийг элдэв шинжилгээ авч байгаа нь энэ гээд баахан ийш тийш явуулаад 5 дахь хоногоос нь ганц нэг эмь тариагаар аргацааж байж байгаад 6 хонуулсан болоод гаргасан. Шаардлагатай эм тариа байдаггүй бүхнийг гаднаас авхуулдаг юм байна лээ. Тэгсэн атлаа гарахад нь истори дээр нь баахан худлаа үнэтэй эм тариа хийсэн мэтээр бөглөсөн байсан. Энэ бол татвар даатгалын мөнгийг хэсэг улс эмнэлгийн нэрээр цусалж байгаа луйвар үнэхээр мөн. Яамны сайд нь гэж улстөржихөөс өөр ид шидгүй самган байна. Монголын эрүүл мэндийн салбар аль хэдийнээ амьсгал хурааж байна
ер нь хувийн эмнэлгүүд ор хоногийн мөнгө гэл өвчтөнгүүдээс 500-600мянган төгрөг эмчилгээний зардал гэж мөн тэр хэмжээний мөнгө авдаг мөртөлөө эрүүл мэндийн даатгалаас бас 300 гаруй мянган төгрөг авдаг юм билээ үүнийг шалгах хэрэгтэй дээ
manaid tolj baigaa daatgal abch baigaa ulchilgee ich zoruutei yum bilee.daatgal emneleg hoer n suljeegui zaasaar toozoo hiideg.daatgalaar uzuuleh emchilgee uilchilgeegee todorhoi bich uchir dahin mongo tolj bna
MRA bish ee MRI gedeg yum