МХЕГ-аас улсын хэмжээнд үйл ажиллагаа явуулж буй сургуулийн өмнөх боловсролын байгууллагуудад шалгалт хийжээ. Шалгалтын явцад нийслэлийн Сүхбаатар дүүргийн 160 дугаар цэцэрлэг зарим эцэг эхээс бэлэн мөнгө хураан авч байгааг шалгаж өгөх хүсэлт иржээ. Гэтэл Боловсролын тухай хуулийн 40 дүгээр зүйлийн 40.7-т заасны дагуу хуульд заагаагүй төлбөр хураамж авсан болох нь тогтоогдсон байна. Тиймээс хураасан мөнгийг энэ оны дөрөвдүгээр сарын 5-ны дотор буцаан олгох шийдвэр гаргасан аж.
Уг шийдвэрийн дагуу тус цэцэрлэгийн удирдлага хууль бусаар хураан авсан бэлэн мөнгийг эцэг эхчүүдэд буцаан олгож, цаашид хууль бус төлбөр хураамж авахгүй байхыг нийт багш нарт үүрэг болгосон байна.
Тус цэцэрлэгийн эцэг эхийн зөвлөлийн хурлаас бүлгүүдийг камержуулах санаачлага гаргаж, нийт 320 хүүхдээс 226 нь дэмжсэн санал гаргаснаас 97 хүүхдийн ар гэр бэлнээр 2.788.000 төгрөгийг эцэг эхийн зөвлөлд хураалгасан аж.
Цаашид эцэг эх, асран хамгаалагчдаас хуульд заагаагүй төлбөр хураамж авахгүй байх, байгууллагынхаа үйл ажиллагаанд дотоод хяналт шалгалтаа сайжруулахыг Мэргэжлийн хяналтын байгууллагаас нийт цэцэрлэгийн удирдлагуудад зөвлөж байна.
Эх сурвалж:
Сэтгэгдэл0