Бямба - 04 сарын 20,
2024
ТОКИО. /NHK/. Манай улсын ядуу зүдүү амьдарч буй хүүхдүүдийн тоо урьд өмнө байгаагүйгээр өссөн байна гэж Японы Нийгмийн халамжийн яам мэдэгдлээ.
Эдийн засгийн хамтын ажиллагаа, хөгжлийн байгууллагын /OECD/ шалгуурын дагуу, ядуу амьдарч буй хүүхдүүдийн хувийг тогтоохоор тус яам гурван жил тутамд судалгаа явуулдаг аж.
2012 онд явуулсан судалгааныхаа тайланг тус яам өчигдөр танилцуулсан юм. Японы 17-гоос доош насны хүүхдүүдийн 16,3 хувь нь ядуу амьдарч байна. Энэ нь өмнөх судалгаагаар тогтноосноос 0,6 хувиар нэмэгдсэн, 1985 онд энэ судалгааг явуулж эхэлснээс хойших хамгийн өндөр үзүүлэлт юм.
Төлөөллийн ардчилал, чөлөөт зах зээлийн эдийн засгийн зарчмуудыг хүлээн зөвшөөрдөг 34 гишүүн улстай OECD-ын тавдугаар сард гаргасан мэдээлэлд дурдсанаар, Ядуу амьдарч буй хүүхдүүдийн хувь Данид хамгийн бага буюу 3,7 хувь байна. Тус улсын араас Финланд 3,9 хувьтайгаар орж байгаа юм.
Харин ядуу зүдүү амьдарч буй хүүхдийн хувь Израильд 28,5 хувь буюу хамгийн өндөр байгаа бол, тус улсын араас Турк /27,5 хувь/ болон Япон /9 хувь/ орж байна.
Тус яамны үзэж буйгаар, 2012 онд Японд мөнгөний эргэлт буурч, өрх толгойлсон эхчүүд болон үндсэн ажилгүй хүмүүсийн тоо нэмэгдсэн нь өрхийн орлого буурахад нөлөөлжээ.
Г.Доржханд
Эх сурвалж: "Монцамэ" агентлаг
Сэтгэгдэл0
японд ажилгүйдэл ядуурал болж байгааг би одоо л сонсож байна. Баян орон яахаараа япуурдаг юм бол доо.
хэдэн жилийн өмнөөс Японд ажилгүйдлээс болж эцэг эхчүүд хүүхдээ асрамжийн газар өгөх, гэр бүл салах нь нэмэгдлээ гэж мэдэгдэж байсан. Бага газар нутагтай олон хүн амтай ачаалалаа дийлэхээ байсан бололтой
Сайн байцгаана уу? Ил гардаггүй, ердөө л тэр чигтээ хаягдаад яваад байдаг нь цаг нараа болоход илэрч буй нь энэ. Даравч дардайгаад булавч бултайгаад, урд хормойгоороо нуухаар ар хормойноос нь цухуйгаад ар хормойгоороо далдлахаар урд хормойноос нь цухалзаад эхлэх нь л тэр. ганц Япон ч бус, өөр бусад өнөө их айхтар сүрхий "өндөр хөгжил", "боловсон","зан харьцааны соёлтой" улс бүрийгээс өнгөлөгдөн далдлагдаад байсан буйсан энэ зүйл илэрч тодроод ирэхийн явдал цаг нар ирсний л дохио. Гадаах нь гэртээ ороогүй, гэртэх нь гэдсэндээ ороогүйн хэрэг, мөн, нүглийн нүдийг гурилаар хуурч явсаар үнэнд үхэр тэргээр гүйцэгдэж эхлэхийн маань цондон хүн төрөлхтөн бидэнд дохиолсны илрэл илтгэл.
OECD-ын шалгуур нь өөр байх /ядуурлын түвшинг тогтоо аргачлал г.м./. харин манайх зүгээр өнгөц харьцуулалт, жишилт хийвэл хаана давхиж яваа бол доо, ер нь хэрэв манайд ямар нэг тоо стат. байдаг бол буурж л байгаа байх даа сүүлийн үед
баян орон асуудалгүй байна гэж байх уу? туйлширч болохгүй хаана ч сайн муу, баян хоосон ялгаагүй байна, харин их, багадаа л байгаа. диваажин гэж байхгүй