sonin.mn
Сэтгэгдэл (0)

“Оюутолгой” ХХК энэ оны 2 дугаар улиралд 7.8 сая тонн орчим хүдэр боловсруулж, 25.8 хувийн зэсийн агуулгатай 140 мянган тонн зэсийн баяжмал үйлдвэрлэсэн байна. Энэ нь өмнөх улирлаас 36 хувиар өссөн үзүүлэлт юм. Үйлдвэрлэсэн зэсийн баяжмалд 36.2 мянган тонн зэс, 113 мянган унци алт, 229 мянган унци мөнгө багтжээ.

Мөн хоёрдугаар улиралд “Оюутолгой” ХХК-ийн бүтээгдэхүүн борлуулалт эрс нэмэгджээ. Нийт 51.6 мянган тонн зэс, 126 мянган унци алт, 309 мянган унци мөнгө бүхий баяжмал борлуулжээ. Хоёрдугаар улиралд үйлдвэрлэсэн болон борлуулсан зэсийн баяжмал дахь алт, мөнгөний агуулга нэлээд нэмэгдсэн байна.

Ингэснээр тус компани энэ оны эхний хагас жилд 61.5 мянган тонн зэс, 179 мянган унци алт, 391 мянган унци мөнгө бүхий 242.9 мянган тонн баяжмал үйлдвэрлэж, 64.7 мянган тонн зэс, 154 мянган унци алт, 387 мянган унци мөнгө бүхий баяжмал экспортолсон байна. Тус компани эхний хагас жилийн дэлгэрэнгүй тайлангаа ирэх сард гаргах юм байна.

Я.Баяр

Эх сурвалж: "Монцамэ" агентлаг