Иргэдийн халаасыг “Автоматаар татчихдаг” гэх соёлтой юм шиг хэрнээ их л бүдүүлэг аргаар суйлдаг болжээ. Энэ асуудал сүүлийн үед аль ч банкинд гарч байдаг, бараг л хэвийн үзэгдэл болж иргэдийг ихэд бухимдуулаад байгаа юм.
Саяхны нэгэн жишээг дурьдахад иргэн Т нь авто машины лизингийн үйлчилгээ авсныхаа төлбөрийг сар бүрийн 16-нд банкинд тушаадаг. Тэрбээр энэ сарын төлбөрөө хоёр хоногийн өмнө буюу 14-ний пүрэв гарагт төлжээ.
Ингээд амралтын өдөр буюу 16-ны бямба гарагт утас, интернет, цахилгааны төлбөр зэрэг бас бус тооцоогоо хийхээр дансаа шалгатал түүний картнаас 10 мянган төгрөг алга болсон байв.
Банкны ажилтнаар картын гүйлгээгээ шалгуулахад таны картын дансанд энэ сарын 11-нд 720.218 төгрөг орсон байна.
Үүнээс 327.100 төгрөгийг таны лизингэд авсан, цагийн өмнө таны данснаас 383 мянган төгрөг гарсан байна. Одоо таны дансанд мөнгө алга гэж гэнэ. Теллертэй хамтран бодож үзэхэд 10 мянган төгрөг дутсан байна. Хэзээ яаж гарсныг асуухад теллер залуу хариулж чадахгүй байсан тул ахлах теллерийг нь дуудуулж асуухад “Та зээлтэй юм байна” гэжээ.
“Өөр зээл байхгүй, хоёр хоногийн өмнө зээлээ төлсөн” гэхэд “Аан, та урьдчилаад төлчихөөр автоматаар таны данснаас ингээд татчихаж байгаа юм” гэсэн хачин бүдүүлэг хариулт хэлэв.
Иргэд бэлэн мөнгө авч явах нь эрсдэлтэй гэж үзэж өөрийн итгэсэн банкаа сонгож төрөл бүрийн данс нээлгэдэг. Гэтэл иргэдийн итгэлийг эвдэн тэдний данснаас ингэж мөнгө татах нь хэрэглэгч, үйлчлүүлэгчийн эрхийг бүдүүлгээр зөрчиж буй асуудал боловч нэг талаасаа хулгай дээрмийн хэрэгтэй ижил агуулгатай үйлдэл.
Өнгөц харахад иргэн Т-гийн данснаас 10 мянган төгрөг л авчихсан юм шиг боловч үнэн чанартаа тухайн өрхийн дотоод асуудалд бүдүүлгээр оролцсон. Тэрбээр энэ асуудлаа шийдүүлэхийн тулд тухайн банкинд очиж эдийн засагчтай нь уулзах гэж цаг зав, автобус унааны мөнгөө гарздан явна.
Мөн тэр өдөр цахилгааны төлбөрөө төлөх гээд мөнгө нь хүрээгүй тул УБ Цахилгаан түгээх сүлжээ компаниас тэдний тогийг тасалсан байдаг. Тэрбээр тогоо залгуулахын тулд тус компанид дуудлага өгсөн. Дуудлагын хөлс нь 5000 төгрөг.
Эндээс харахад иргэний хохирлыг хэн барагдуулах вэ гэсэн асуулт ч гарч буй боловч цаад утгаараа банкнуудын луйвар хэрээс хэтэрч иргэдэд үйлчлэх нэрийн дор тэдний халаасыг хууль бусаар суйлсаар байгаа тул зохих байгууллагууд нь анхааралдаа авна уу.
С.Цээл
Эх сурвалж:
Сэтгэгдэл0
ккккк
зээлээ сар бүр зээлдэгч нь өөрийн биеэр банканд очиж төлдөг байя.