Барууны орнууд Украины хямралаас болж ОХУ-д хориг тавьсан юм. Хэрвээ шинэ хориг тавих юм бол хариу болгох нэмэлт арга хэмжээний хувилбаруудыг Кремль хэдийнэ боловсруулж эхэлсэн хэмээн ОХУ-ын Ерөнхийлөгч В.Путины хэвлэлийн төлөөлөгч Д.Песков хэлсэн талаар ВВС мэдээллээ.
Тэрбээр “Бид янз бүрийн хувилбар боловсруулж байна. ОХУ нь хориг арга хэмжээ гэх хоосон гоё үгийг эхлэн санаачлаагүй, дэмждэггүй гэдгээ нэг бус удаа хэлсэн. Гэхдээ манай түншүүд энэхүү үр дүнгүй гэж хэлж болох туршлагаа үргэлжлүүлэх юм бол бид нэмэлт арга хэмжээ авах болно” хэмээн хэлсэн аж.
ОХУ-ын нэмэлт арга хэмжээний хүрээ нь барууны орнууд Москвагийн эсрэг авахыг хүсч байгаа хоригийн хэлбэрээс шалтгаалахыг Д.Песков нэмж хэлжээ.
ОХУ-ын эсрэг авсан хориг арга хэмжээний хариуд Орос улс энэ сарын 7-нд Европын Холбооны орнууд, АНУ, Австрали, Канад, Норвегиос импортолдог үхэр болон гахайн мах, тахиа, бяслаг, жимс жимсгэнэ, сүүн бүтээгдэхүүн оруулахыг хориглосон юм.
Эх сурвалж:
Сэтгэгдэл0