Пүрэв - 04 сарын 18,
2024
Монгол Улсын Үндсэн хуулийг ноцтой хэд хэдэн удаа зөрчсөн нь Ерөнхий сайд Н.Алтанхуягийг огцруулах хамгийн том үндэслэл хэмээн УИХ-д суудалгүй намуудын төлөөлөл мэдэгдлээ. УИХ-д суудалгүй улс төрийн намууд өмнө нь мэдээлэл хийхдээ Засгийн газрыг огцруулах 9 дэх үндэслэлийг танилцуулж байсан бол өнөөдөр 10 дахь үндэслэлийг гаргаж тавьсан байна.
Нэгдүгээр үндэслэл: Газар бол Монголын хар хайрцагны бодлого. Гэсэн ч өнөөдөр энэ бодлого алдагдаж байна.
Хоёрдугаар үндэслэл: Газар шорооныхоо төлөө тэмцсэн зарим нэг нөхөд нь шоронд хоригдож байна. Энэ нь Ерөнхий сайдыг огцруулах хангалттай үндэслэл.
Гуравдугаар үндэслэл: Монгол Улсын баялгийг барьцаалаад гадны банкуудаас долоон тэрбум ам.долларын зээл авч компаниудад өгсөн.
Дөрөвдүгээр үндэслэл: Авлига хээл хахууль газар авсан.
Тавдугаар үндэслэл: Ядуурлын асуудал. Ажилгүйдэл газар авсан.
Зургаадугаар үндэслэл: Дорноговийн Улаанбадрах суманд үүсээд байгаа учир битүүлэг явдал.
Долоодугаар үндэслэл: Ерөнхий сайдын хамаатан садан, ойр дотны хүмүүс төрийн бодлогод орж эхэлж байгаатай холбоотой.
Наймдугаар үндэслэл: АТГ-ын гаргасан мэдэгдэлтэй холбоотой. Н.Алтанхуяг Хуульзүйн сайдтайгаа нийлж хууль зөрчлөө. Энэ нь хэрээс хэтэрсэн үйлдэл.
Есдүгээр үндэслэл: Ерөнхий сайд хөрш орнуудын төрийн тэргүүнийг ирэхэд Монгол Улсыг төлөөлөх чадамжгүй байна. Тиймээс огцруулах ёстой.
Аравдугаар үндэслэл: Эдийн засгийн өршөөлийн хууль гаргахыг жижиг намуудын зүгээс эсэргүүцэж байгаа. Учир тэд өөрсдийнхөө идсэн, уусныг хаацайлах гэж байна хэмээн үзжээ.
Д.Эрдэнэсувд
Эх сурвалж: "Монцамэ" агентлаг
Сэтгэгдэл0
Хууль зүйн сайдаа дагуулаад шорон хэсэж яваа ерөнхий сайд дэлхийн түүхэнд ч байхгүй нүүрс шуудайлж гүйнэ хамаатан садан хавийн хүмүүс нь ямар нэгэн асуудалтай дампуу нөхөр гэдгээ хуулийг уландаа гишгэж нотоллоо.Огцруулах юу ч биш хамаг баялгыг маань барицаалж авсан тэр их мөнгө одоо байна уу????Эзэнтэй төртэй улс юм бол нэлээн нарийн тооцох хэрэгтэйдээ!!Төрийн нэрээр хулгай дээрэм хийсэн ардчилагч хэмээн ард түмнийг хуурсан хулгайг шүүх цаг өнөө маргаашгүй болжээ!!