Пүрэв - 04 сарын 25,
2024
МОСКВА./RIA Novosti/. Нефть олборлох салбарт ОХУ-тай хамтран ажиллахыг хязгаарлахыг Европын Холбооноос /ЕХ/ тус улсад авах нэмэлт хориг арга хэмжээнд тусгаж магадгүй байна. Тухайлбал, гүехэн болон гүн усны нефтийн орд газрын хайгуул хийдэг ОХУ-ын компаниудтай хамтран ажиллахыг хориглоно гэж “Bloomberg” агентлаг эх сурвалжаас иш татан мэдээллээ.
Тус агентлагийн мэдээлснээр, энэ хоригт Америкийн нефтийн томоохон компани болох “Exxon Mobil Corporation”, мөн Британийн нефть, хийн “BP Plc” компани өртөж магадгүй байна.
ОХУ-д нефтийн салбарын бүтээгдэхүүн экспортлохыг, тухайлбал, гүн усны нефть олборлох болон Арктикт ажиллах тоног төхөөрөмж нийлүүлэхийг хязгаарласан хориг арга хэмжээг ЕХ болон АНУ долдугаар сард тус улсад авсан билээ. Гүехэн усны орд газрыг эзэмших, олборлоход хүнд нөөцийн төслүүд нь ЕХ-ны хориг арга хэмжээний бодит золиос болно гэж шинжээчид үзэж байна. Хориг арга хэмжээнд наймдугаар сарын 1-нээс хойш байгуулсан гэрээ, хэлэлцээрүүд хамаарах аж.
Уг хориг нь Орост нефтийн салбарын бүтээгдэхүүн нийлүүлэхийг хязгаарлах төдийгүй тус салбарт техник технологи, үйлчилгээ солилцохыг хориглоно. “Bloomberg” агентлагийн тэмдэглэж буйгаар, ОХУ-д хориг арга хэмжээ авсан тохиолдолд ЕХ, АНУ жагсаалтыг гаргана.
Д.Жаргал
Эх сурвалж: "Монцамэ" агентлаг
Сэтгэгдэл0
Оросын нефтийг авахгүй болчвол Арабууд суга баяжина даа. Яг л 1980-аад оны байдал давтагдах гэж байна даа. Орос нефтээсээ орлого олж чадахаа больж СССР гэдэг улс санхүү эдийн засгийн хямралд орж социалист системийн бүх улс Оросын нөлөөнөөс гарч улмаар СССр нь өөрөө задарч 15 тусдаа улс болсон. Одооноос Оросын эдийн засаг хүндэрч байна. Баруун-Оросын хоорондын худалдаа багасч Орос улс валютын нөөцөө идэж эхлээд байгаа.ийм байдлаар 5 жил болвол Орос дефолт зарлаж Оросын республикууд салах мэдэгдлээ хийж эхлэнэ. Татар, Чечен, Якут, Дагестан, Башкир гэх мэт баян, нөлөө бүхий улсууд нь салчихвал Орос будаа болоно.