Украины Ерөнхийлөгч П.Порошенко АНУ-ын Ерөнхийлөгч Б.Обаматай утсаар ярилцахдаа эрчим хүч, байгалийн хийн нийлүүлэлтээс гадна Минскийн зөвшилцлийн биелэлтийн талаар хэлэлцсэн байна. Энэ талаар П.Порошенкогийн хэвлэлийн албанаас мэдэгдлээ.
Хоёр орны төрийн тэргүүн Минскийн зөвшилцлийн заалтуудыг сөргөлдөгч талууд мөрдөх ёстойг тэмдэглэсэн аж. П.Порошенко АНУ нь Украин болон энхийн төлөвлөгөөг дэмжиж байгаад Б.Обамад талархаж буйгаа илэрхийлжээ.
Түүнээс гадна АНУ, Украин нь Милан хотноо эхэлсэн Ази, Европын дээд хэмжээний уулзалтын үеэр Минскийн зөвшилцлийг биелүүлэхийн тулд ОХУ-д шахалт үзүүлэх хэрэгтэй гэж үзэж байгаа аж.
Б.Обама, П.Порошенко нар Украины эрчим хүчний салбарын найдвартай байдал, улстөр, эдийн засгийн шинэчлэл, эдийн засгийг дэмжихийн тулд олон улсын санхүүгийн нийгэмлэгүүд болон өөр улсуудтай хамтран ажиллах талаар ярилцжээ. Б.Обама Украины парламентаас авлигын эсрэг болон прокурорын газрын тухай хууль баталсанд баяр хүргэсэн байна. /ИТАР-ТАСС/
Н.Тунгалаг
Эх сурвалж:
Сэтгэгдэл0
АНУ-ын утсан хүүхэлдэй болсон Украйн өөрснөө л хохирно доо. Цаг нь болохоор АНУ өөрснөө Киевийг бөмбөгдөнө. Яг Афган, Ирак, Сири шиг. Осама бен Ладен мөн холбоотон нь байсан шүү дээ. Юу боллоо доо ... Янкууд ийм найдваргүй улс даа.
Манайд авилгалын эсрэг хууль байгаа ч гэсэн. Ардчилсан намынхан хуулийг уландаа гишгэсэн байдаг. Манай ерөнхийлөгч нэртэй алиа салбадай авилгалчдын өмнө мал шиг дуугүй зогсож байдаг. Украины ерөнхийлөгч бол яг манай замаар явж улс орноо сүйтгэх нь дээ. Ардчилал гэдэг эх орноо худалдахад бэлэн хүмүүсийг олж төр гаргах тогтолцоо гэдгийг Монголчууд ойлгосоон. Амьд жишээ бол Баабар, Элбэгдорж..........гээд байна даа.