Мягмар - 04 сарын 23,
2024
Өчигдөр болсон Төрийн өмчийн хорооны ээлжит хуралдаанаар нийт 21 асуудлыг хэлэлцсэн бөгөөд үүнд төрийн өмчит зарим компаниудын удирдлагад ажлын хариуцлага тооцсон байна.
Тодруулбал, “Баруун бүсийн эрчим хүчний систем” ТӨХК, “Талын зам” ТӨХК, “Багануур зүүн өмнөд бүсийн цахилгаан түгээх сүлжээ” ТӨХК, “Харгуй” ТӨХК-ийн гүйцэтгэх захирлууд төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хууль зөрчиж төлөвлөгөөнд тусгаагүй худалдан авалт хийсэн, батлагдсан төлөвлөгөөг хэтрүүлсэн, мөн санхүү нягтлан бодох бүртгэлийн журмыг зөрчсөн зэрэг нийтлэг зөрчил гаргасан хариуцлага тооцжээ.
Тэднийг хөдөлмөрийн тухай хуулийн 131 дүгээр зүйлд заасны дагуу сахилгын шийтгэл ногдуулахыг Төрийн өмчийн хорооны зүгээс тухайн компаниудын Төлөөлөн удирдах зөвлөлд үүрэг болгосон байна. Түүнчлэн дээрх компаниудад ажлаа бүх түвшинд сайжруулах хугацаатай үүрэг өгчээ.
Сэтгэгдэл0
МИАТ-ийн захирлыг томсогноос нь дуужлээч ээ! Г.Жаргалсайхан МИАТ-ийг элгээр нь хэвтуулж, 49 хувийг нь дампуурлаа зарлахгуй гурийж байгаа ХУННУ-д огуулэхээр чармайхаас оор ажил огт хийхгуй байна.