Пхеньяны зүг ухуулах хуудас бүхий агаарын бөмбөлөг хөөргөж буй Өмнөдийн нутаг руу буудна гэж Хойд Солонгосын засаг захиргаа заналхийлсэн аж.
Ухуулах хуудаст Умардад авлига газар авсан, хүний эрх зөрчигдөж байгаа талаар бичжээ. Тиймээс Пхеньян ухуулга сурталчилгааны материал бүхий агаарын бөмбөлөг хөөргөх нь “дайн зарлаж” байгаатай адил хэмээн үзэж байгаа бөгөөд дахиад бөмбөлөг хөөргөхгүй байхыг шаардсан байна.
Энэ сарын эхээр Хойд Солонгосын хилчид агаарын бөмбөлөг хөөргөж байсан хүмүүсийн зүг их буугаар буудсанаас хилийн ойролцоох суурингийн оршин суугчид айж сандарчээ.
Умардын хилчдийн буудахаас айсан Өмнөд Солонгосын иргэд Пхеньяны эсрэг сурталчилгааны хуудас хийсгэх иргэдийг эсэргүүцэж эхэлсэн гэнэ.
Түүнээс гадна Пхеньян хоёр Солонгосын хооронд хийх дээд хэмжээний яриа хэлэлцээг цуцлахад бэлэн гэдгээ ч мэдэгдсэн аж. /ИТАР-ТАСС/
Эх сурвалж:
Сэтгэгдэл0