Монгол Улсын Их Хурлын дарга Зандаахүүгийн Энхболд БНХАУ-ын БХАТИХ-ын Байнгын хорооны даргын урилгаар албан ёсны айлчлал хийхээр өнөөдөр /2014.10.27/ БНХАУ-д хүрэлцэн ирлээ.
УИХ-ын дарга З.Энхболд болон дагалдан яваа төлөөлөгчдийг БНХАУ-ын БХАТИХ-ын Байнгын хорооны Санхүү, эдийн засгийн хорооны гишүүн Ли Лихуй, Монгол Улсаас БНХАУ-д суугаа Онц бөгөөд Бүрэн эрхт Элчин сайд Ц.Сүхбаатар нар угтан авлаа.
УИХ-ын даргыг тус улсад албан ёсны айлчлал хийж буйд БНХАУ-ын БХАТИХ-ын Байнгын хорооны Санхүү, эдийн засгийн хорооны гишүүн Ли Лихуй талархал илэрхийлэв.
Монгол Улсын Их Хурлын дарга Зандаахүүгийн Энхболд өнөөдөр Бүгд Найрамдах Хятад Ард Улсын дарга Си Зиньпинд бараалхана. Мөн Бүгд Найрамдах Хятад Ард Улсын БХАТИХ-ын Байнгын хорооны дарга Жан Дөзянтай уулзалт хийж, албан ёсны хэлэлцээрт гарын үсэг зурах юм.
Монгол Улсын Их Хурлын дарга тэргүүтэй төлөөлөгчдийн бүрэлдэхүүнд Улсын Их Хурлын гишүүн С.Бямбацогт, С.Одонтуяа, М.Батчимэг, Д.Сумьяабазар, Улсын Их Хурлын даргын ахлах зөвлөх, ажлын албаны дарга С.Ламбаа, Гадаад харилцааны дэд сайд Д.Ганхуяг болон албаны бусад төлөөлөгчид багтсан байна хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.
Сэтгэгдэл0
ZI , SI darga nar hairiin tevrelteer tevreldeh tsag oirtoj. Baina daa.ZI ch yahav hyatad sulbeeree sulbeerduulehee zubshuursen shiidveree belegleheer yar ch baigaa hariud ni SI darga 1 hyatad 1 yuna geed 1,5 terbum yunaa belgelchihsen iim l munguur uls orniihoo tusgaar togtnoliig ugui hiih alhamaa hiileedee