Баасан - 04 сарын 19,
2024
Монгол Улсын Засгийн газар, Австри Улсын Засгийн газар хоорондын урт хугацааны хөнгөлөлттэй зээлийн хүрээнд Онцгой байдлын байгууллагын техникийн хүчин чадлыг дээшлүүлэх, тоног төхөөрөмжийг шинэчлэх төслийг хэрэгжүүлэхээр өнөөдөр Бүтээгдэхүүн нийлүүлэх гэрээнд Онцгой байдлын ерөнхий газрын дарга, онцгой байдлын хурандаа Т.Дуламдорж, “Розенбауэр” компанийн гүйцэтгэх захирал Херберт Пөлингер нар гарын үсэг зурлаа.
Энэхүү төсөл нь нийт 5.2 сая евро буюу 12 тэрбум төгрөгийн үнэ өртөг бүхий Гал унтраах, аврах ажиллагааны болон ой, хээрийн түймэр унтраах иж бүрэн багаж, тоноглол бүхий 4 төрлийн 16 автомашин, дагалдах 2000 гаруй тоног төхөөрөмжийн хамт нийлүүлнэ.
Монголын эрс тэс уур амьсгалд тохируулан үйлдвэрлэх евро стандартын эдгээр автомашин техник хэрэгсэлийг ирэх оны 9 дүгээр сар гэхэд манай улсад нийлүүлж эхлэх юм. Хөнгөлөлттэй зээлийн төсөлд Улаанбаатар хотоос гадна Архангай, Булган, Хөвсгөл, Орхон зэрэг 11 аймаг хамрагдаж, ирэх онд евро стандартын техник хэрэгсэлтэй болох нь.
Сэтгэгдэл0
Онцгой байдлын ахмад Ц.Гүнчинсүрэнг ажлаас нь түтгэлзүүллээ 7 минут 33 секундын өмнө Онцгой байдлын алба хаагчид ажлын цагаараа байнгын бэлэн байдалд байх ёстой гэж хүн бүр ойлгодог. Гэтэл амьдрал дээр бас ч тийм байдаггүй гэдгийг Сэлэнгэ аймгийн Онцгой байдлын газрын Мандал суман дахь улсын үрийн нөөцийн Зүүнхараа салбарын дарга, онцгой байдлын ахмад Ц.Гүнчинсүрэнгийн тарьсан балаг харуулж байгаа юм. Тэрээр ажлын байрандаа согтууруулах ундаа хэрэглэж, улмаар танхайран, өөрийн албан хаагчаа зодож гэмтээсэн хэрэг гарсан. Энэ тухай мэдээллийн хэрэгслүүдээр ч цацагдаад байсан юм. Хохирогч Б.Хадхүү нь Мандал сумын Хэрх тосгонд байрлах улсын нөөцийн салбар газрын ажилтан ажээ. Одоогоор түүний биеийн байдал тааруу байгаа гэнэ. Ц.Гүнчинсүрэнгийн энэхүү ёсзүйгүй, сахилга бат, хариуцлага алдсан байдлыг харгалзан үзээд ОБЕГ-ын дарга, онцгой байдлын хурандаа Т.Дуламдорж түүнийг ажлаас нь түтгэлзүүлэх шийдвэрийг гаргажээ.
Д.Тэрбишдагвын Т.Дуламдорж нарын албатууд бие биенээ зодож алахнээ Нийтлэлийн төрөл: Засгийн газар, Онцлох мэдээ 2014 10-р сар 28 15:29 Уншсан: 3911 Сэтгэгдэл: 0 Хэвлэх Дөнгөн данган суудал дээрээ дэнжигнэж байгаа Шадар сайд Д.Тэрбишдагвыг гай барцад тойрохгүй шинжтэй. Нэгэн цагт цайг нь зөөж, цаасыг нь канондож гүйу байсан Т.Дуламдорж хэмээх ганган залууг ОБЕГ-ын даргаар томилоод байдал бүр ч дордов. Галын шалгалтанд навс унасан салбар нь шүлхий өвчнийг бизнес болголоо хэмээн хардагдаж Засгийн газрын салбар хуралдаан дээр хүртэл Сангийн сайдад элдвээрээ дуудуулж байсан эдний хамт олон саяхан бас л нэгнээ алах дөхжээ. Өдрийн сониний сайт дээр "Онцгой байдлын ерөнхий газрын улсын нөөцийн Зүүнхараа салбарын дарга Гүнчин гэгч этгээд албан хаагчаа ажил үүргээ гүйцэтгэж явахад нь удаа дараа зодож таван хавиргыг нь хугалж, тархинд гэмтэл учруулжээ. Гүнчин нь тухайн үедээ согтуу байсан бөгөөд түүнд ямар ч хариуцлага тооцолгүй явуулж байна. Түүнийг цагдаагийн байгууллагад шалгуулахаар өгсөн ч одоо болтол тэрээр ажлаа хийж байгаа гэнэ." хэмээн бичсэн байна. Үнэтэй цаг, торгон зангиагаар гангарсан эрхэм сайд, дарга нар энэ мэт ард түний хэрэг явдлыг хэрхэн шийдвэрлэх нь эргэлзээгүй, одоог хүртэл ямар нэгэн арга хэмжээ авсан тухай огт мэдээлээгүй байна.