“Исламын улс” террорист бүлэг халдлага үйлдэнэ хэмээн заналхийлж байгаа учраас АНУ-ын засаг захиргаа Засгийн газрын байрны хамгаалалтыг чангатгасан байна.
АНУ-ын Үндэсний аюулгүй байдлын сайд Жей Жонсон энэ талаар мэдэгдлээ. Тэрбээр “Вашингтон болон бусад томоохон хотын засаг захиргааны байрнуудын аюулгүй байдлын дэглэмийг чангатгах тушаалыг Холбооны хамгаалалтын албанд өгсөн” гэжээ.
Энэ шийдвэрийг гаргах болсон шалтгаан нь террорист байгууллагуудын зүгээс хууль хяналтын байгууллагын ажилтнууд, төрийн албан хаагчид, Засгийн газрын байр руу халдлага үйлдэнэ гэж заналхийлж байгаа явдал юм.
Өнгөрсөн долоо хоногт Канад улсад хоёр удаа халдлага гарсан. Энэ сарын 20-нд исламын шашин шүтдэг Канадын иргэн, 25 настай М.Рулё нь Сэн-Жан-сюр-Ришельё хотод хоёр цэргийн амь насанд халдсан бол 22-нд винтов буугаар зэвсэглэсэн исламын хэт даврагч Майкл Зехаф-Бибо парламентын байшинд нэвтрэн оржээ.
Зэвсэгт этгээдийг эсэргүүцсэн буудалцаан болсноос хүндэт харуулын нэг цэрэг амиа алдсан аж. /ИТАР-ТАСС/
Эх сурвалж:
Сэтгэгдэл0