Эх орныхоо захиас даалгаврыг өвөрлөн харь оронд хөлгийн жолоо залахын өмнө Жанжин туг болон Бүх цэргийн Их хар сүлдэндээ хүндэтгэл үзүүлж, эр цэргийн хийморь золбоогоо сэргээж, зам мөрөө тэгшитгэдэг сайхан уламжлалын дагуу Афганистан Улсад явагдаж буй “Шийдвэртэй дэмжлэг” ажиллагаанд үүрэг гүйцэтгэх Монгол Улсын Зэвсэгт хүчний Цэргийн хамгаалалтын ротын I дүгээр ээлжийн 120 албан хаагч бүхий цэргийн багийн бие бүрэлдэхүүн жанжин тугандаа хүндэтгэл үзүүллээ.
Энэхүү арга хэмжээнд БХЯ-ны СБТГ-ын дарга, хурандаа Г.Сайханбаяр, ЗХЖШ-ын БСТГ-ын дарга, бргадын генерал Ж.Бадамбазар болон БХЯ, ЗХЖШ-ын удирдлага, цэргийн багийн бие бүрэлдэхүүн оролцов.
Афганистан Улсын аюулгүй байдлыг хангах, тогтворжуулах зорилготой “Аюулгүй байдалд дэмжлэг үзүүлэх олон улсын хүчний ажиллагаа” нь энэ оны 12 дугаар сарын 31-ний өдрөөр дуусгавар болж байгаа бөгөөд манай улсаас 2003-2014 оны хооронд 10 ээлжээр нийт 3000 гаруй цэргийн алба хаагч энэхүү ажиллагаанд үүргээ амжилттай гүйцэтгэсэн юм.
Харин энэхүү ажиллагааны хоёрдугаар шат болох “Шийдвэртэй дэмжлэг ажиллагаа” ийнхүү эхэлж байгаа учир манайхаас анхны ээлжийн 120 энхийг сахиулагч удахгүй үүрэг гүйцэтгэх газар орныг зорино. НАТО-гийн хүчний тэргүүлсэн “Шийдвэртэй дэмжлэг ажиллагаа” нь Афганистаны үндэсний аюулгүй байдлыг хангах хүчний үүрэг гүйцэтгэх чадавхийг нэмэгдүүлэх, сургах, дадлагажуулах, дэмжлэг үзүүлэх зорилготой бөгөөд энэхүү ажиллагаанд НАТО-гийн гишүүн болон түнш орнуудын 12000 орчим цэргийн алба хаагч үүрэг гүйцэтгэх юм байна.
Сэтгэгдэл0
Энхийг сахиулах нэрээр эгэл жирийн ардын хүүхдүүдийн амь насыг золиосонд явуулах юм даа. Монгол цэрэг гэж хөөрүүлсэн ч цэргүүдийн амь нас Батлан Хамгаалахын сайдын хурдан морины үнээс хэдэн дахин хямд байдаг.
baruunii ornuudaas afgan metiin gazar ochij baigaa tserguud mash sain hangamjind iavj baigaa. hamgiin naad zah ni tedgeer tsergyyd bugd er belgiin esee holdoolgoson, yriin bankind hadgaluulsan, amia aldsan tohioldold iamar hemjeenii hohirol ucirsnii mongo, amia aldsanii mongo, ar gert ni tejeegchee aldsanii mongo, hamtran amidragch ger bulee aldsanii geh met too tomshgu olon daatgaluudiig ulsaas ni hiisen baidag. manai tserguudiig bas tiim hemjeend bailgah heregtei
ene unen gevch hal uzej hashir bolno