БРЮССЕЛЬ. /АР/. Ерөнхийлөгч Режеп Тайип Эрдоган, түүний засгийн газрыг шүүмжилсэн хэвлэл, мэдээллийн хэрэгслүүдийн байр руу Туркийн цагдаа нар дайран орж, сэтгүүлчдийг нь баривчилсныг Европын Холбоо /ЕХ/ эрс шүүмжиллээ. Турк нь ЕХ-нд нэгдэх хүсэлтэй байгаа юм.
ЕХ-ны мэдэгдэлд “Хэвлэл, мэдээллийн хэрэгслүүдийн байр руу Туркийн цагдаа нар дайран орж, сэтгүүлчдийг баривчилсан нь ардчиллын үндсэн зарчмын нэг хэвлэлийн эрх чөлөөнд нийцэхгүй” гэжээ.
Сэтгүүлчдийг баривчилсан нь Европын үнэт зүйлстэй харшилж байна гэж ЕХ үзэж байна.
Мөн уг мэдэгдэлд “ЕХ-ны гишүүн болох хүсэлтэй аливаа улс хууль, хүний үндсэн эрхийг хүндэтгэх ёстой” гэсэн байна.
Засгийн газраа шүүмжилсэн 20 гаруй сэтгүүлчийг Туркийн цагдаа нар өнгөрсөн амралтын өдөр баривчилсантай холбогдуулан ЕХ ингэж шүүмжиллээ.
Г.Доржханд
Эх сурвалж:
Сэтгэгдэл0
Европын холбоонд түрэгүүд орчихвол тоон дотор үсэг цохиж явна гэдэг л болно биз дээ.Дээр нь лалын шашинтнууд байдаг. Энэ бол өөрийн садан сүлбээний үнэн алдартны шашинтнаа ч хүлээж зөвшөөрдөггүй европын католикуудад байж болшгүй үйлдэл болохгүй юу.Түрэг улсын дотоод хэрэгт хөндлөнгөөс орлцохгүй байх нь дээр байх аа.Наад хэвлэлийнхэн гээд байгаа лалрууд чинь АНУ-н мянганы хөгжлийн сангаас мөнгө иддэг урвагчид гэдэг нь тодорхой.Саяхнаас Түрэг,АНУ-н харилцаа сэрүүсээд байгаа юм.Манайд ч гэсэн ийм лалрууд өч төчнөөнөөрөө байгаа.