Баасан - 04 сарын 19,
2024
КИЕВ. /NHK/. Бид галын шугамаас хүнд зэвсгүүдээ татаж эхэлсэн гэж Украины зүүн нутгийн Оросын талыг баримтлагч салан тусгаарлагчид мэдэгдлээ. Хоёрдугаар сарын 15-нд хүчин төгөлдөр болсон гал зогсоох хэлэлцээрийг бид дагаж мөрдөж байгаа гэж салан тусгаарлагчдын төлөөлөгч өнгөрсөн амралтын өдөр Оросын сэтгүүлчдэд хэлсэн байна.
Энэ сарын 18-нд Оросын талыг баримтлагчид тээврийн гол зангилаа болох Дебальцево хотыг хяналтдаа авснаас хойш Украины засгийн газрын хүчнийхэн болон салан тусгаарлагчид хооронд байлдааны ажиллагаа мэдэгдэхүйц намжсан юм. Гэхдээ багахан хэмжээний мөргөлдөөн үе үе болсоор байна. Өнгөрсөн 24 цагийн хугацаанд Донецк болон Луганск мужид нэг цэрэг амь үрэгдэж, гурван цэрэг шархадсан гэж Украины армийн төлөөлөгч Андрей Лысенко өнгөрсөн амралтын өдөр мэдэгдсэн юм.
Түүний хэлснээр, салан тусгаарлагчдын хяналтад байгаа бүсүүдэд Оросоос олон тооны хуягт тээвэрлэгчүүдийг аваачжээ. ОХУ гал зогсоох хэлэлцээрийг зөрчиж байна гэж тэрбээр мөн буруушаалаа. Гал зогсоох хэлэлцээрийг даган мөрдөж байгаа эсэхийг Европын Аюулгүй байдал, хамтын ажиллагааны байгууллага анхааралтай ажиглаж байна. Хэлэлцээрийг даган мөрдөхийг Украины засгийн газрын хүчнийхэн болон салан тусгаарлагчдын аль алинд нь тус байгууллага уриаллаа.
Г.Доржханд
Эх сурвалж:
.jpg)
Сэтгэгдэл0
Украины эрх баригчид яг мал шиг амьтад юм даа ард түмнээ бөмбөгдөж,их буугаар буудаж алдаг.. Харин манайхан бол Украины малууд шиг биш зүгээр л траншейнд оруулж яргалан устгадаг.Энийг Элбэгдоржийн ардчилал гэх үү, эсвэл одой ардчилал гэх үү.
Өлгийн хасгууд үймээн гаргахад чи Украины зовлонг ойлгоно.Тэгээд ч тэнд чинь ард түмний нэр барьсан гадаадын хөлсний этгээдүүд байлдаж байгаа юм шүү дээ.Худлаа гэвэл тов ВВП өөрөө оросын цэргийн албан хаагчид ээлжийн амралтаараа сайн дураараа(?)байлдаж байгааг хүлээн зөвшшөрсөн юмаа Youtube ээр хайгаад үзээрэй.
Украин улс чөлөөт сонголт хийснийхээтөлөө шийтгүүлж байна шүү дээ.Украин улс яагаад ЕХ нд элсэж болохгүй гэж? Яагаад?