sonin.mn
Сэтгэгдэл (0)

 Гэмтэл согог судлалын үндэсний төвийн Түлэнхий, нөхөн сэргээх мэс заслын тасгийнхан энэ онд Австрали улсын “Интер пласт” олон улсын байгууллагатай хамтран ажиллах гэрээ байгуулсан.

 

Энэ ажлын хүрээнд Австралийн түлэнхий, пластик мэс заслын нарийн мэргэжлийн баг энэ сарын 20-25-нд ГССҮТ-ийн Түлэнхий, нөхөн сэргээх мэс заслын тасгийн түлэгдсэн болон түлэнхийн дараах сорвитой өвчтөнүүдэд үзлэг, оношилгоо хийхээр болжээ.

 

Дээрх эмч нарт үзүүлэх, оношлуулах шаарддагатай, хүсэлтэй байгаа хүүхэд, насанд хүрэгсдийг ГССҮТ-ийн Түлэнхий, нөхөн сэргээх мэс заслын тасагт бүртгэж байгаа аж. Харин амбулаторийн үзлэгийг зөвхөн энэ сарын 20-ны өдөр хийгдэх бөгөөд үзлэгийн тоо хязгаартай болохыг албаны хүмүүс хэлсэн. Мэргэжлийн баг үзлэг хийсэн өвчтөнүүдээс шаардлагатай өвчтөнгүүдийг сонгон авч, түлэгдсэн үеийн болон түүний дараах нөхөн сэргээх хагалгааг үлдсэн өдрүүдэд үнэ төлбөргүй хийхээр төлөвлөөд байгаа гэдгийг ГССҮТ-өөс мэдээллээ.