Пүрэв - 04 сарын 25,
2024
"Оюутолгой" ХХК, Өмнөговь аймгийн Ханбогд сумтай 30 жилийн хугацаатай хамтын ажиллагааны гэрээ байгууллаа. Хамтын ажиллагааны гэрээ байгуулах ёслол Даланзадгад хотод болов.
Гэрээнд Оюутолгой компанийг төлөөлж тус компанийн Ерөнхийлөгч бөгөөд гүйцэтгэх захирал Эндрью Вүдлей, Өмнөговь аймгийн Засаг дарга Б.Бадраа, Иргэдийн хурлын дарга Т.Батчулуун, Ханбогд сумын Засаг дарга Т.Баян-Өлзий нар гарын үсэг зурлаа. Хамтран ажиллах гэрээний хүрээнд усны менежмент, байгаль орчныг хамгаалах менежмент, уламжлалт мал аж ахуй, бэлчээрийн менежмент, үндэсний түүх соёл ба аялал жуулчлал, нийгмийн суурь үйлчилгээ, орон нутгийн хөгжлийг дэмжих үйл ажиллагаа зэрэг найман чиглэлээр ажиллахаар тусгажээ. Түүнчлэн нийтийн зориулалттай дэд бүтэц буюу хот байгуулах шаардлагатай инженерийн шугам сүлжээний ажлууд өрнөх юм байна. “Хөгжлийг дэмжих сан”-г шинээр байгуулан дээрх ажлуудыг санхүүжүүлэхээр болжээ. Уг санд Оюутолгой ХХК-иас жил бүр таван сая ам. доллар шилжүүлэхээр тогтжээ. Энэхүү хамтын ажиллагааны гэрээг 30 жилийн хугацаанд мөрдөж цаашид сунгах нөхцлөөр байгуулсан байна.
Б.Заяа
Эх сурвалж: "Монцамэ" агентлаг
Сэтгэгдэл0
za yaj iij bgaad hanbogdiin zasag noen boloh heregtei yum bna daa
Таван тэрбум долларын баялагаа алдаад 5 сая доллар авахыг ариун явдал гэх үү.Даажигнаж байгаа юм байх даа.
Нөгөө хий хоосон бичилт хийсэн 2 тэрбум доллараа хайцаалж суманд нь жил бүр 5- хан сая доллар өгсөн болж луйвар хийж байна. Энэ зүгээр л колоничлогчдын авир юм байна.
Нөгөө хүргэн хүү кинон дээр гардаг шиг Дэмбэрэл юм үзээгүй юмаа. Жаахан хөөргөж байгаад ажлаа хийгэчихье гэдэг шиг аймгийнх нь хэдэн тэрбумын алт эрдэнсийг зөөж авчихаад өгч байгаа мөнгө. Энэнд нэг их хууртагдаад баярлаад юм үзээгүйгээ харуулах явдал байхгүй. Тэгээд ч дан ганц Өмнөговийнхны баялаг биш монголын нийт ард түмний хөрөнгө шүү. Дээдчүүл жаахан ухаалаг ажиллах хэрэгтэй байна. Тэд зүгээр л 5 сая доллар өгч гийгүүлээгүй шүү. Хууртагдахаа больцгооё.