Улсын бүртгэлийн ерөнхий газар гадаад паспорт яаралтай шинээр авах үйлчилгээгээ түр хугацаанд зогсоожээ. Энэ тухай УБЕГ-ын Иргэний бүртгэлийн газрын дарга Ц.Батцайзаас тодрууллаа.
-Гадаад паспорт 10 хоногт багтаж гарахгүй байгааг иргэд шүүмжилж байна. Яагаад хугацаандаа багтаж гарахгүй байгаа вэ?
-Монголчуудын гадагшаа явах урсгал эрс нэмэгдсэн. Тухайлбал өдөрт нэг цонхны үйлчилгээгээр 100 хүнд үйлчилдэг байсан бол өнөөдрийн байдлаар 200-300 хүнд үйлчилж байна. Ийнхүү ачаалал нэмэгдсэнээр хэвлэлтийн горимд өөрчлөлт орж саатах явдал гарч буй юм. Түүнчлэн гадаад паспортын нөөц багассан. МИАТ-ын зүгээс гадаад паспорт тээвэрлэх ажил удааширснаас хугацаа сунах явдал гарч байна. Гэхдээ бид аль болох хугацаанд нь гаргахыг хичээж байгаа. Энэ долоо хоногт л хугацаа сунаж байна.
-Гадагшаа явах урсгал нэмэгдэж буйн гол шалтгаан нь юу вэ ?
-Аялал жуулчлалын цаг үе эхэлсэнтэй холбогдуулан гадаад паспорт шинээр авах иргэдийн тоо эрс нэмэгдсэн. Энэ үетэй зэрэгцэн сургууль, цэцэрлэгийн амралт эхэлж байгаа учраас хүүхдүүдээ гадагш нь дагуулж явахаар паспорт авч байна. Түүнчлэн ОХУ-тай визгүй зорчих болсноор гадаад паспорт авагсдын тоо 2-3 дахин нэмэгдлээ. Наад зах нь Итгэлт хамба руу мөргөх мөргөлчдийн цуваа нэмэгдчихлээ шүү дээ. Мөн Солонгос руу Хөдөлмөрийн гэрээгээр ажиллах иргэдийн бүртгэл эхэлсэн нь ачаалал үүсгэж байгаагийн нэг шалтгаан болсон.
-Гадаад паспорт яаралтай шинээр авах үйлчилгээгээ зогсоосон гэсэн. Энэ үйлчилгээг хэвийн горимд нь хэзээ шилжүүлэх вэ?
- Дээрх ачааллаас болж гадаад паспорт яаралтай гаргах үйлчилгээг энэ сарын 4-нөөс эхлэн түр хугацаанд зогсоогоод байна.Ирэх долоо хоногоос гадаад паспорт яаралтай шинээр авах үйлчилгээ хэвийн үргэлжилнэ. Гадаад паспорт яаралтайгаар ажлын гурван өдөр, энгийнээр ажлын 10 хоногт багтаан олгодог.
-Засгийн газрын тогтоолоор агентлагуудын албан хаагчдыг цөөлсөн. Танай байгууллагын хувьд хичнээн хүн цомхотгов. Энэ нь ачаалал нэмэгдсэн үед хэр нөлөөлж байна вэ?
-Манай агентлагын хэмжээнд орон тоог 15 хувиар багасгасан. Мэдээж энэ нь ачаалал ихсэж буй үед тодорхой хэмжээгээр нөлөөлж байна. Гэхдээ бид байгаа бүх хүчээ дайчлан ажиллаж байгаа. Амралтын өдрүүд болон оройны 20 цаг хүртэл уртасгасан цагаар ажлаа нугалдаг.
-Өнгөрсөн онд шинээр хичнээн гадаад паспорт олгосон бэ. Эхний улирлын тоон мэдээ гарсан уу?
-2014 онд 130 мянга гаруй иргэн гадаад паспорт шинээр авсан. Эхний таван сарын байдлаар 80 мянга гаруй паспорт шинээр олгоод байна. Энэ үзүүлэлт нь шинээр паспорт авагсад өмнөх жилээс эрс нэмэгдэж буйг илтгэнэ. Харин 60 гаруй мянган иргэн өнгөрсөн онд паспортоо сунгуулсан. Он гарсаар энэ хэмжээний паспортыг сунгалаа. Өөрөөр хэлбэл бид бүтэн жил олгодог байсан паспортыг 6 сард олгож байна.
-Аялал жуулчлалын улиралд ачаалал эрс нэмэгддэг гэлээ. Энэ улирлаас өмнө паспорт авах талаар олон нийтэд анхааруулсан уу?
-Бид байгууллагынхаа вэб сайт болон хэвлэл мэдээллийн хэрэгслээр аялал жуулчлалын улирал буюу тавдугаар сард ачаалал эрс нэмэгддэг учир шинэ паспортыг урьдчилан авахыг удаа дараа анхааруулж байсан. Гэтэл иргэд цагийг нь тулгаж ирдэг хэвээр байна. Тухайлбал иргэд маргааш визанд орох гэсэн юм, ОХУ руу явах гээд яаралтай паспорт гаргах хүсэлт их тавьдаг. Тиймээс аль болох хугацаанаасаа өмнө биднээр үйлчлүүлэхийг хүсч байна.
- Манай улс АСЕМ-ийн дээд хэмжээний уулзалтыг ирэх онд зохион байгуулна. Үүнтэй холбоотой танай газраас технологийн шинэчлэл хийж байгаа гэж сонслоо. Энэ тухайд?
-АСЕМ-ийн уулзалтыг угтан Монгол Улс чиптэй цахим гадаад паспорт нэвтрүүлэхээр ажиллаж байна. Энэ хүрээнд бэлтгэл ажлуудыг базааж байгаа. Хүмүүс чиптэй цахим паспорт нэвтрүүлнэ гэхээр хуучнаа яах вэ гэж их асуудаг. Тэгэхээр аль, альнийг нь хэрэглэнэ гэдгийг хэлье.
Б.Заяа
Гэрэл зургийг Н.Батбаяр
Эх сурвалж: "Монцамэ" агентлаг
Сэтгэгдэл0
Номын сан зарна 95705545 Дээр үеийн ховор хуучин 20 30-д оны хэвлэлүүд Монголын болон дэлхийн сонгодог романууд -с бүрдсэн номын сан зарна,
ном хаанаас авах вэ аль номын санг зарах гэж байгаа юм вэ
Даралт бууруулж энерги тэнцвэржүүлэгч аппарат. Артерийн даралтыг тэнцвэржүүлж, өвдөлтийг намдаана, толгой эргэх болон гар утас компьютор байнга хэрэглэдгээс үүсэх таагүй мэдрэмжүүдийг арилгана. Даралт огцом өсөж, бууж сандаргасан үед даралтыг нам буулгаж, тэнцвэржүүлэх зэрэг түргэн тусламж үзүүлдэг . Энэ хэрэгсэл нь хэрэглэгчдийн эрх ашгийг хамгаалах нийгэмлэгээс ахуйд хэрэглэхэд найдвартай, чанартай гэж үнэлэгдсэн. Америк , Франц, Швейцар, Сингапур зэрэг орнуудад зохион байгуулагдсан үзэсгэлэнгээс 8 удаагийн гран-при шагнал хүртсэн. Үйлчилгээ: 1. Даралтыг зохицуулна. а. Толгойн хэсгийн цэгүүдээр б. Хоёр гарын хурууны үзүүрийн цэгүүдээр в. Зүрхний орчимд нөлөөлөх замаар г. Гарын бугуйн дээрх цэгүүдээр 2. Үс уналт халцралт уналтыг зогсоох, удаашруулах 3. Толгой өвдөлтийг намдааж тархины үйл ажиллагааг сайжруулна 4. хэсэг газрын өвдөлтийг намдаана 5. Арьс гоо сайханд таатай нөлөө үзүүлнэ 6. Өөрөө өөртөө иллэг, массаж хийж хурдан хугацаанд хуянгаа буулгана. Эрүүл мэндийн зөвлөх утас: 94448429.
atg avilgaar pasport gargag boljee hezee bolih be barimt baina shuu .hinadag gazar baina uu hoorhii nomhon arduud mini darluulsaar
Энэ их зөв ажил юм билээ.Би биеэрээ мэдэрсэн.Гадаадруу явах дургүй надад ингэж хэрэг болж байхад ажил хэрэгч хүмүүст бол ойлгомжтой.Амжилт.
Гадаад паспортыг шууд 10 жилээр олгодог болох хэрэгтэй. 1-2 жилээр олгодгийг боливол хүмүүс ойр ойрхон жил бүр ирж шинээр сунгалт хийж та нарын ажлыг нэмэгдүүлэхгүй. Би 5 жилээр шууд гаргуулдаг тул 5 жилдээ л нэг удаа ИБМУТ ордог. Миний нэг гол нь харалсан танил байлгийн. Жил бүр л паспорт авна, сунгуулна гэж наад руу чин очиж очерлох дуртай. За тэгээд одооных шиг 32 хуудастай биш бүр 64 хуудастай паспорт гаргавал хүмүүс нэг их наан чин очоод байхгүй дээ. Би хэд хэдэн улсын иргэдийн паспортыг харж байсан. 64 хуудастай их амар юм байна лээ.
өнөөдөр 5 сарын 29 нд яаралтай үйлчилгээ авахгүй л байсан бас худалч юм бна л даа