Бямба - 04 сарын 20,
2024
Бурхан Халдун хайрханы Төрийн тахилгыг энэ сарын 26, 27-нд хийх шийдвэрийг Монгол Улсын Ерөнхийлөгчийн тамгын газраас гаргасан байна.
Энэ жил эрт дээр үеэс улбаатай тахилгын зан үйлийг сэргээж, байгаль орчинд сөрөг нөлөөгүй байдлаар зохион байгуулахаар болжээ. Тахилгын ёслолын өмнөх өдөр буюу 26-нд Долоон бурханы тахилгыг хийнэ. Тахилгад оролцох иргэд Бурхан Халдун хайрханы бараа нь харагдах газар буюу Хэрлэнгийн дээд цагаан арлын Алтан Үлдийн овоон дээр хийх юм. Энэ нь Бурхан Халдун уулнаас 40 орчим км-ийн наана оршдог газар. Тус газарт LED дэлгэц байрлуулан Бурхан Халдуны тахилгын үйл явцыг цугласан олонд UBS телевиз шууд дамжуулан хүргэхээр төлөвлөжээ.
Тахилга гэдэг нь уул, хайрхандаа хүндэтгэл үзүүлэхийг хэлдэг бол тайлга нь тахилга хийсний дараа түмэн олныг цэнгүүлэхийг хэлдэг байна. Тайлгын ёслолын цэнгүүнийг Хэрлэнгийн дээд цагаан арлын Алтан Үлдийн овоо хэмээх газарт зохион байгуулна. 2013 оны Засгийн газрын тогтоолоор Бурхан Халдун уулыг Монгол түмний бахархалт хайрхан болгож, 1995 оноос эхлэн орчин үеийн ёс заншлаар тахиж ирсэн түүхэн уламжлалаа сэргээсэн юм.
Д.Өлзий
Эх сурвалж: "Монцамэ"
Сэтгэгдэл0
хээе 1000 тахиад ч байгаль байдгаараа л байна, харин битгий бөөн хог новш тарчихаад ирээрэй. Хар шар улаан хувалзнууд юм бол модыг хадгаар боож амийг таслах болж. Тэнэгүүдээс байгаль эх хариугаа авнаа. Бөөн хир даг болсон мөнгө овоолоод үхснээ хийнээ. Тэрний оронд Хатан туулын хог түүцгээ.
Шинжааны цагаачид Бурхан халдунаас хол байх хэрэгтэй.