sonin.mn
Сэтгэгдэл (0)
УИХ-ын чуулганы өнөөдрийн нэгдсэн хуралдаан 09.55 цагт эхэллээ. Хуралдааны эхэнд УИХ-ын дарга З.Энхболд Засгийн газар Тавантолгойн нүүрсний ордыг хөгжүүлэх тухай УИХ-ын тогтоолын төслийг татаж авах болсныг танилцуулав.
 
Үүний дараа тэрбээр энэ долоо хоногт чуулганы хуралдаанаар хэлэлцэх асуудлын жагсаалтыг танилцууллаа. Энэ үеэр УИХ-ын гишүүн Ц.Давсаасүрэн, “УИХ-ын гишүүдээс Ерөнхий сайдад хүргүүлсэн Оюутолгой төслийн далд уурхайн бүтээн байгуулалтын талаарх асуулгын хариуг хэзээ хэлэлцэх вэ хэмээн асуув.
 
Уг асуултад УИХ-ын дарга З.Энхболд “Ерөнхий сайд АНУ-д томилолтоор явж байгаа тул энэ долоо хоногт хэлэлцэх боломжгүй гэсэн хариу өгсөн. Мөн УИХ-ын гишүүн Д.Батцогт, “Хөдөлмөрийн хуулийн хэлэлцэх эсэхийг байнгын хорооны хуралдаан шийдвэрлэсэн.
 
Хаврын чуулганаар хэлэлцэх эсэхийг нь шийдвэрлээд завсарлах хугацаанд нарийн судлах хэрэгтэй байна. Тиймээс хэлэлцэх асуудлын жагсаалтад оруулж өгнө үү" гэсэн хүсэлт гаргасныг УИХ-ын дарга хүлээн авлаа.
 
Ийнхүү чуулганы хуралдаанаар Монгол Улсын Засгийн газар, Азийн хөгжлийн банк хооронд байгуулсан “Төлбөрийн системийн шинэчлэл төсөл”-ийн зээлийн хэлэлцээрийг соёрхон тухай хэлэлцэж байна.
 
Ч.Ариунболд
Эх сурвалж: "Монцамэ" агентлаг