sonin.mn
Сэтгэгдэл (0)
Нийслэлийн Баянзүрх дүүргийн түүхт 50 жилийн ойг угтан Батлан хамгаалах яам, Монгол улсын зэвсэгт хүчний жанжин штаб, дүүргийн Засаг даргын Тамгын газрын хамтын ажиллагааны хүрээнд дэлхийн 24 орны энхийг сахиулагч дүүргийн Мэргэжлийн сургалттай 55 дугаар бүрэн дунд сургуульд 332 сая төгрөгийн засвар хийлээ.
 
 "KHAAN QUEST-2015" Олон улсын энхийг дэмжих ажиллагааны хээрийн сургалт, дадлагын инженерийнхамтарсанажиллагааны хүрээнд тус сургуульд зургаан төсөл хэрэгжүүлсэн юм. Төслөөр сургуулийн анги танхимуудын 102 хаалгыг бүрэн шинэчилсэн байна. Мөн бялдаржуулах өрөө, спорт заалыг засч тохижуулжээ.
 
Түүнчлэн сагсны талбай, 2,3 дугаар давхарын ариун цэврийн өрөөг засч, сургуулийн гаднах 400 метр хашааг сольж, шинэчилсэн. Энхийг сахиулагчид дүүргийн 6 дугаар цэцэрлэгийн барилгын цахилгаан монтаж болон хүлээлгийн заалыг засч, тохижуулсан юм.
 
Засварын ажлыг Америкийн нэгдсэн улсын Армийн тэнгисийн цэрэг, Тэнгисийн явган цэргийн 72, дотоодын 50 албан хаагч нийт 122 хүн хийж гүйцэтгэлээ.