Монгол Улсын анхны ардчилсан сонгуулийн 25 жилийн ойд зориулсан олон улсын хүндэтгэлийн хурал өнөөдөр Шангри-Ла зочид буудлыг хурлын танхимд эхэллээ.
Энэ жил анхны ардчилсан чөлөөт сонгуулийн 25 жилийн ой тохиож буй бөгөөд Монгол Улсын Ерөнхийлөгчийн энэ оны 03 тоот захирамжаар энэ түүхэн үйл явдлыг энэ оны долдугаар сарын 29-30-нд орон даяар тэмдэглэхээр шийдвэрлэсэн.
Энэхүү ойг тохиолдуулан өнөөдөр ийнхүү олон улсын хүндэтгэлийн хурлыг Улаанбаатар хотноо зохион байгуулж байна. Хүндэтгэлийн хуралд Монгол Улсын Ерөнхийлөгч, Монгол Улсын Их Хурлын дарга, Монгол Улсын Ерөнхий сайд болон 50-иад орны гадаад, дотоодын хүндтэй зочид оролцож байна.
Монгол оронд өрнөсөн ардчилсан хувьсгалын үр дүнд 1990 оны долдугаар сарын 29-ний өдөр болсон Ардын Их Хурлын депутатуудыг сонгох 12, орон нутгийн хурлын депутатуудыг сонгох 16 дахь удаагийн сонгууль нь Монголын түүхэнд анх удаа олон нам оролцсон, ард иргэд өөрсдөө төрөө сонгон байгуулсан түүхэн сонгууль юм.
Мөн улс төрийн 6 намаас гадна олон нийтийн байгууллага, хувь хүн, хамт олноос нэр дэвшин өрсөлдөж, Монголын түүхэнд хамгийн олон нэр дэвшигчтэй, чөлөөт ардчилсан сонгууль болжээ. Анхны энэ сонгуулиас хойш Монгол Улсын Ерөнхийлөгчийн 6 удаагийн, Монгол Улсын Их Хурлын 6 удаагийн сонгууль болж, сонгуулийн зохион байгуулалт, тогтолцоо сонгуулиас сонгуульд төгөлдөржиж, боловсронгуй болсоор иржээ.
Түүнчлэн Монгол Улсад анхны ардчилсан чөлөөт сонгууль явагдсан долдугаар сарын 29-ний өдрийг Бүрэн эрх, ардчилсан сонгуулийн өдөр болгон тэмдэглэж байхаар Засгийн газрын хуралдаанаар шийдвэрлэж, тогтоол гаргаад байна. Хурлын үйл ажиллагаа өнөөдөр 12 цагт өндөрлөх ба үргэлжлээд Чингисийн хүрээнд бэсрэг наадам, хүндэтгэлийн хүлээн авалт зэрэг үйл ажиллагаа болох юм.
Б.Туул
Эх сурвалж: "Монцамэ" агентлаг
Сэтгэгдэл0
Yadargaatain uy yasan hural hural hiihees oor ajilgui omhii ardchilagchid uls orniig buruu zamd oruulsan sonooson gej l bayriin hural hiidegguin bol bushuuhan ene heden teneg ardchilal gej hooson orilson batuul elbegdorj naraas salj yad amrah umsan
одоо энэ хулхи шоугаа зогсоо?
ямар хурал гэнээ юу гэсэн бэ одоо боль тэх үү та нар ичээч ямар нүүрээрээ юу хийсэн гэж ой мой гээд элийрээд балайраад байгаа юм бэ энэ төрийн луйварчдад хууль үйлчилдэггүй ямар улс байгуулчихаад өөрөө өөрсдийгөө юу гэж өргөмжлөөд бахархаад байгаа юм бэ та нарыг бид сонгосон одоо энэ 2 нам 2 лаа хэрэггүй тонил цаашаа наад хурлаа хогийн цэг дээр очиж хий хийснээ хар эсвэл эд тэд бариулсан хауснууддаа очиж хийгээч ард түмнээс хол нүүрээ нууж маск зүүгээд брэндээ өмсөөд ландаа унаад зайлцгаа энэ 2 нам хоёулаа
үхэж далд орсон новшнуудаа бидний мөнгөөр наргихаа болиоч ээ юу хийсэн гэж ой хийгээд байнаа