Пүрэв - 04 сарын 25,
2024
Улс төр ид буцалж буй намрын энэ өдрүүдэд МАХН ”Намын анхан шатны байгууллага-2015” говийн бүсийн зөвлөлгөөнөө Дорноговь аймагт энэ сарын 22-23-ны өдрүүдэд амжилттай зохион байгууллаа.
Энэ удаагийн говийн бүсийн зөвлөлгөөнд МАХН-ын дарга, Монгол Улсын гурав дахь Ерөнхийлөгч Н.Энхбаяр, дэд дарга УИХ-ын гишүүн, Батлан хамгаалахын сайд Ц.Цолмон, МАХН-ын Ерөнхий нарийн бичгийн дарга, Эрүүл мэнд, спортын сайд Г.Шийлэгдамба, УИХ дахь “Шударга ёс” эвслийн бүлгийн дэд дарга З.Баянсэлэнгэ болон албаны бусад хүмүүсээс гадна Өмнөговь, Дорноговь, Дундговь, Говьсүмбэр, Төв аймгийн төлөөлөгчид оролцсон юм.
ТӨР ХАРИУЦЛАГАГҮЙ БАЙГАА НЬ СОНГОГЧДООС ШАЛТГААЛЖ БАЙГАА ЮМ
МАХН-ын дарга, Монгол Улсын гурав дахь Ерөнхийлөгч Н.Энхбаяр хэлсэн үгэндээ “Хэлмэгдүүлэлт бол хүнийг үзэл бодлынх нь төлөө, баримталж байгаа байр суурийнх нь төлөө хууль бус аргаар эрхийг нь хязгаарлах, хүчээр ял оноох, эх орондоо ирэх бололцоог нь хаах зэрэг янз бүрийн аргаар илэрдэг.
Бид МАХН гэсэн сайхан нэрийг авч үлдэж, үүний цаана байх ой санамжийг, үндэсний эрх ашгийг, аюулгүй байдлыг хамгаалсан түүхийг авч үлдсэнийхээ төлөө, цаашид авч явахын төлөө хэлмэгдсэн. Намын дарга, эвслийн тэргүүн гэдэг утгаараа намайг, зарим нөхдийг минь ч хэлмэгдүүлсэн. МАХН ёс суртахуунтай нам, би өөрөө ёс суртахуунтай байх ёстой.
Манай намын гишүүд, дэмжигчид цаашдаа Монголын ард түмэн ёс суртахуунтай байх ёстой гэсэн үүднээс өөрсдөө үлгэр дууриал үзүүлж нэг алхам хийх ёстой. Энэ тухай би урд нь хэлж байсан, одоо дахин албан ёсоор хэлье.
Уучлал, өршөөл үзүүлнэ гэдэг төрийн үүрэг. Ардчилсан төр байгаа л бол уучлал, өршөөл заавал байх ёстой. Харин жинхэнэ уучлал гэж хэлмэгдүүлсэн нь уучлах биш алдаа гаргасан нь алдаагаа хүлээн зөвшөөрөөд уучлал гуйх ёстой. Энэ бол сайн зүйл, гэхдээ гавьяа биш. Гавьяаны хэмжээнд үнэлэгдэх уучлал гэдэг хэлмэгдсэн нь уучлах юм.
Хэлмэгдсэн би Ц.Элбэгдоржийг уучилж байна. Би энэ буруу тогтолцоог уучилж байна. Уучилна гэдэг эвлэрч байна гэсэн үг биш. Би харин үүнийг засахын тулд уучилж байна. Бүгдээрээ нийлээд буруу муухай зүйлс хийсэн энэ хүмүүсийг уучилья. Өс хонзон авахын төлөө биш, мартахын төлөө ч биш, харин алдааг засахын төлөө уучилна.
Алдааг хараагүй хүн уучилж чадахгүй өс хонзон санаад явдаг. Алдааг харсан хүн уучилж чадах ёстой. МАХН уучилж чадсанаараа ард түмнийхээ хайр итгэлийг татсан, бусдаас илүү ёс суртахуунтай, хүчтэй нам болно. Тиймээс манай ард түмэн “Идсэн эрүү хувхайрч идүүлсэн бут цэцэглэдэг” гэж ярьдаг.
Бид 90 жилийн түүхэндээ хэчнээн их идүүлэв. Гэвч ургаад л байна. Яагаад ургаад байгаа юм гэхээр бид уучилж чаддаг, алдаагаа ухамсарлаж чаддаг, улсынхаа тусгаар тогтнол аюулгүй байдлын төлөө зөв бодлого гаргаж чаддаг, гаргасан бодлогоо хэрэгжүүлж чаддаг улстөрийн хүчин учраас ургаж байгаа юм. Цаашдаа бид улам хурдан ургаж ой мод болно.
Монгол Улсаа хөгжүүлж, цэцэглүүлнэ. Ард иргэд маань хариуцлагагүй төрд итгэх итгэл алдарч байгаа нь үнэн. Төр хариуцлагагүй байгаа нь сонгогчдоос шалтгаалж байгаа юм. Төрд ганцхан муу муухай юм хийдэг хүмүүс очдог юм биш. “Хүн хэдий сайн ч хэлэхээс нааш ойлгохгүй, цаас хэдий нимгэн ч чичихээс нааш цоорохгүй” гэдэг үг бий.
Түүнтэй адил тэр хүмүүст хэлэх янз бүрийн арга байна. Захиа бичиг өгөх, шаардах маягаар хэлээд бүр болохгүй бол сонголтоо өөрчлөх арга зам байна. Хэлэх ёстой үгээ ард түмэн хэлэхгүй болохоор төрд суугаа хүмүүс буруу зөвөө мэдэхгүй байна. Тиймээс нийтээрээ үгээ хэлж, үзэл бодлоо илэрхийлж, үнэн зөв зүйлийг шаардаж байя” гэсэн юм.
АХМАДУУДТАЙ УУЛЗАЖ ХҮНДЭТГЭЛ ҮЗҮҮЛЭВ
Энэ үеэр Чөлөөлөх дайны түүхт 70 жилийн ойг тохиолдуулан МАХН-ын дарга, Монгол Улсын гурав дахь Ерөнхийлөгч Н.Энхбаяр Дорноговь аймгийн уугуул дөрвөн ахмадынд зочилж, тэдэнд хүндэтгэл үзүүлж шагнал гардуулав.
Эхний очсон айл нь Дорноговь аймгийн Хөвсгөл сумын харьяат 94 настай Д.Бавуудорж гуайнх байв. Тэрээр үр хүүхэдгүй ганц бие нэгэн аж. Бага дүүгийнхээ хүүгийнд амьдардаг аж. 1945 оны Чөлөөлөх дайнд Долдугаар дивизийн 19 дүгээр морьт хорооны тусгай салааны дарга тэрээр Сайншандаас Жанчхүүгийн даваа хүртэлх байлдааны ажиллагаанд оролцож байжээ.
Цэргээс халагдаж ирээд Зүүнбаянгийн нефтийн үйлдвэрт нягтлан бодогчоор ажиллаж байгаад гавьяаны амралтаа авчээ. Түүнийг МАХН-ын “Шударга үйлс” алтан медалиар шагнасныг намын дарга Н.Энхбаяр гардуулан өгсөн юм.
Харин дараа нь 85 настай Б.Гүрбазар гуайнд зочлов. Өмнөговь аймгийн Манлай сумын харьяат тэрээр Дорноговь аймагт 50 гаруй жил амьдарчээ. Өөрийн сонирхлоор лоозон бичдэг байснаа авдар хайрцагт хээ тавьж сурсан тэрээр 1968 оноос Аймгийн Соёлын ордон, театрт зураачаар ажилласаар тэтгэвэртээ гарсан байна.
Одоо гэртээ зураг зурж, уран бүтээл туурвидаг бөгөөд Ноён хутагтын 200 жилийн ойгоор музейд, Манлай сумын 90 жилийн ойгоор үзэсгэлэнгээ гаргаж байжээ. Түүний удамд төмрийн дархан модны мужаан эмээлийн гөлөм хийдэг уран хүмүүс байсан гэдэг. Түүнд Монгол Улсын гурав дахь Ерөнхийлөгч Н.Энхбаяр Чөлөөлөх дайны 70 жилийн ойн хүндэт медаль гардуулсан юм.
Мөн нэгдлийн эмнэлэгт сантехникчээр ажиллаж байгаад лам болсон 88 настай М.Дэрэм, 89 настай ахмад дайчин Ц.Бат-Очир гуайнд Н.Энхбаяр дарга зочилж тэдэнд МАХН-ын “Шударга үйлс” алтан медаль, гарын бэлэг өглөө.
УЛС ТӨР, ЭДИЙН ЗАСГИЙН ТАЛААР ХЭЛЭЛЦЭВ
Хэлэлцүүлгийн үеэр “Улс төр нийгмийн өнөөгийн байдал” сэдвээр МАХН-ын Ерөнхий нарийн бичгийн дарга, Засгийн газрын гишүүн, Эрүүл мэнд, спортын сайд Г.Шийлэгдамба, “Хүний эрх, улс төрийн хэлмэгдүүлэлт” сэдвээр МАХН-ын нарийн бичгийн дарга Ц.Шаравдорж, “Социал демократ үзэл баримтлал” сэдвээр МАХН-ын дэд дарга, УИХ-ын гишүүн, Батлан хамгаалахын сайд Ц.Цолмон, “НАШБ-ын байгууллагуудыг бэхжүүлэхэд анхаарах асуудлуудын мэдээлэл” сэдвээр УИХ дахь “Шударга ёс” эвслийн бүлгийн дэд дарга З.Баянсэлэнгэ, “2016 оны сонгуулийн мөрийн хөтөлбөрийн тухай” сэдвээр МАХН-ын Гүйцэтгэх товчооны гишүүн, хууль зүйн дэд сайд асан Э.Эрдэнэжамъян, “Эрхзүйн шинэчлэл ба Өршөөлийн хуулийн тухай” сэдвээр Засгийн газрын гишүүн, Хуульзүйн дэд сайд Ц.Уугангэрэл нар сонирхолтой илтгэлүүд тавьж, төлөөлөгчидтэй санал бодлоо солилцсон юм.
МАХН ”Намын анхан шатны байгууллага-2015” говийн бүсийн зөвлөлгөөн ийнхүү хоёр өдөр амжилттай болж өндөрлөлөө. Чөлөөлөх дайны 70 жилийн ой, 2016 оны сонгуулийг угтаж хийсэн энэхүү зөвлөлгөөнийг өнгөрсөн түүхэн үйл явдлуудаа нэхэн дурсах, ирээдүйгээ харах чухал цугларалт боллоо гэж оролцогчид дүгнэж байлаа.
Сум бүрээс хоёр хүний бүрэлдэхүүнтэй ирсэн таван аймгийн төлөөлөл говийн бүсийн зөвлөлгөөндөө идэвх санаачлагатай сэтгэл өндөр оролцож байлаа. Тэдний сэтгэгдлийг сонссон юм.
Дорноговь аймгийн Хатанбулаг сумын МАХН-ын үүрийн дарга Ж.Төмөрмөнх: НАМЫН ТӨВ УДИРДЛАГЫН АППАРАТЫНХАН БҮРЭН БҮРЭЛДЭХҮҮНЭЭРЭЭ ОРОЛЦЛОО
“Ноён хутагтын өлгий нутаг Дорноговь аймгаас МАХН-ын говийн бүсийн сургалт, семинар амжилттай боллоо. Намын төв удирдлагын аппаратынхан бүрэн бүрэлдэхүүнээрээ оролцож байгаад баяртай байна. Монгол орны нийгэм эдийн засгийн өнөөгийн байдал, монгол оронд өрнөж буй улстөрийн өрнөл, ард иргэдийн эх орноо цэцэглүүлэн хөгжүүлэхийн төлөө хийж яваа ажил, алив нэгэн ажилд доголдож байгаа санаа бодлыг шүүн тунгааж ярилцаж байгаа нь цаашдаа улс орныхоо хөгжлийг түргэсгэх хөшүүрэг болж байна. Цаг үеэ олсон, Монгол орны хөгжлийг түргэсгэх, эх орноо хөгжүүлэх сэтгэлийг улам хөгжүүлэхэд туслах чухал зөвлөлгөөн боллоо.”
Өмнөговь аймгийн Ардчилсан шударга ёс Монголын эмэгтэйчүүдийн холбооны тэргүүн Ч.Өлзийсайхан: МАХН-ЫН ГИШҮҮД ЗӨВХӨН ИТГЭЛ ҮНЭМШИЛ, ҮНЭТ ЗҮЙЛСЭЭРЭЭ ХОЛБОГДДОГ
“Манай аймгаас 33 хүний бүрэлдэхүүнтэй төлөөлөл ирлээ. 2016 оны сонгуулийн урдчилгаа болон явагдаж буй бүсийн зөвлөлгөөнөөс бид маш олон зүйлийг сонсч, мэдэж авсандаа сэтгэгдэл өндөр байна. Өмнөговь аймаг Оюутолгой, Тавантолгойн орд байдгаараа улс орны төдийгүй дэлхий нийтийн анхаарлын төвд байдаг учраас улс төрийн ач холбогдол өндөр байдаг. МАХН-ыг байгуулагдсан цагаас манай аймгийн намын үүр идэвхтэй үйл ажиллагаа явуулж ирсэн.
Бид өөрсдөдөө тулгарч буй асуудлуудаар сэдэв бэлтгэж ирээд лекц тавьсан. Намын удирдлагууд болон бусад аймаг сумдынхан сонсч санал бодлоо солилцлоо. Манай намын үйл ажиллагаа, шударга ёсны гарц тодорхой учир ирэх сонгуульд амжилтад хүрэх нь тодорхой. МАХН-ын гишүүд зөвхөн итгэл үнэмшил, үнэт зүйлсээрээ холбогддог. Тиймээс итгэл дүүрэн байдаг учраас бид ажилласаар ирсэн, цаашид ч ажиллах болно.”
Төв аймгийн МАХН-ын ахмадын хорооны дарга Д.Бийраа: ЭНЭ ЖИЛИЙН ЗӨВЛӨЛГӨӨНД Н.ЭНХБАЯР ДАРГА ОРОЛЦОЖ БАЙГААГААРАА ОНЦЛОГ ЮМ
“Манай аймаг 40 гаруй төлөөлөгчтэй ирлээ. Зөвлөлгөөн маш үр дүнтэй боллоо. Үүрэг зорилго, ямар ажил хийхээ сайн ойлгож чадлаа. Энэ жилийн зөвлөлгөөнд Н.Энхбаяр дарга оролцож байгаагаараа онцлог юм. Төв аймгийн 27 сумаас 26-д нь МАХН-ын хороодтой, гишүүд олонтой байдаг. Манай намын дарга Залуучуудын холбооны тэргүүнээр ажилладаг залуу хүн бий. Залуу хүний эрчээр сайн ажиллаж байгаад бид баяртай байдаг. Тиймээс сонгуульд амжилттай оролцоно гэдэгт итгэлтэй байгаа.”
Х.Монголхатан
Эх сурвалж:
Сэтгэгдэл0
Золбингууд хуцаад эхлэнэ гэдэг Монголын терийн дампуурлыг л илэрхийлж байгаа юм.
MAXN-g demjij bna
Наамбарваан үзэл бодлынхоо төлөө,улс төрийн үйл ажиллагааныхаа төлөө оймсоо гозолзуулаагүй байх аа? Хуулийн байгууллагаас удаа дараа дуудаад байхад нь очихгүй том толгойлж байж ачуулаа биз дээ.
өө малаа чи одоо болтол цаад учрыг нь олоогүй, сонсоогүй хэрэг үү
С.Зоригийн алуурчныг шийтгээгүй,тагнуулч Нямдоржийг ял завшуулсны төлөө шоронд орсон биш билүү.
Баахан ном хэвлүүлж хүмүүсийн толгойд мэдлэг хүргэх гэж яваад шууд оймсоо гозойлгуулцан юм бишүү?!
Оросын их өрийг буюу 10 000 000 000 долларын өрийг нам дарсан хүн шүү дээ. Хоёр хөршөөсөө нэг их холдоод хэрэггүй. Холын АНУ танай гэрийн гадаа будаа буулгаж өгөхгүй шүү. Бид цай давсгүй болбол хөрш айлаасаа л шууд гуйдаг биз дээ. Бодлого маш буруу байна. Сайханбилэг Дубайд ямар гэрээ хийчихэв. Мэдэж байгаа хүн байна уу? Та нарыг гудамжинд машинтайгаа түгжирч, хэрэлдэж байх хооронд АН, МАН ээлжилэн энэ улсыг зарчихлаа шүү дээ.
Ta shuu,taniig demjij yabdag.Taniig helmelduulehdee buur bolohgui bolod ierheer uneheer ineed hurch uhmeer " medleg bolobsrol ni hureegui uchir " gesen gene lee.ineedtei,buur onigootoi um.Uugeer uyg haruulj bn geheer ted uursdiiguu hen ni hen be,yamr huu medleg bolobsroltoi yamrhuu es surathuuntai humus be gedgiig haruulj bbaigaa um.Ta bol unheer busdiig uuchilj chaddag agyaa dotortoi uhaanati hun um.Ta eruul mendee,hichneen saihan olon jil naslah nasa aladsan ch bai ta uuchilj chaddag uhaanaraa ,oi uhaaan,erdem medleg,ihiig unshij boobsorsonooroo unen mundag hun shuu.Tanii hiisen buteeseng muu humus,muu hordoj ataarhagsad hichneen darah ge ch darabch dardaij bulabch bultaina gedeg tanii ug yutai unen ug be.Songuuli yamr muuhai bohir argaar yabdag bolohiig,ene turd baigaa zarim neg humusiig tsberelhe stoi bolohiig bid sn oilgoj medej baigaa.Uchir ni manai hamaatnii 1 hun oron nutgiin songuukid ursuldub,getel ah duus ,naiz nuhud geed barag 400 garan hun demjij duguilsan baital 00 baij baidag bgaa.Uneheer ineedmtei baigaa biz. Bidnii sanal hhaachihab.Teged ergej shallguulah getel gar argaar toolohgui gesen t1 haruy ugsun ni ene songuukiin mun chanarig ,unen tsaraig haruulsan,unen ni ilerh bii gej uhtlee aij bn.1 huniig 600 tsagdaa hereglej bairj horidog,helmegduuleg baidal elebgdorjiin ued l garlaa. uuriig ni dmejijj tuslaj yabsan hune ehajuud ni dagaj yabahdaa ,abgai ni hurtel abgai ni hajuud alga tashij zogsoh bichleg hurtel harsan,getel yaj uuniig darah he,yaj uuniig helnegduleh be gej bodoj zogsson bolj atarch bn.Bitgii buuj ug,urgelj uragshaa.yadarsan zudersen ard tumen chin atniig demjij hairladag.Ter hunii hiisen mash tom buudlug aldaag ard tumen uuchilah bolobuu ?!
odoo bolon ireedui tsagaas aij ongorsontoigoo zuuealddag humuuseer duurchee.Az baival bas ene huniig dagaj baigad ikh hurliin gishuun bolj magadgui gesen humuus l demjdeg baikh daa.Hunii huvid ikh or tegluulsen n bol gailhaltai sanagddag.