Баасан - 04 сарын 26,
2024
ВАШИНГТОН. /TASS/. Умард Солонгос улсынх нь баруун эрэг болон Хавай аралд хүрэх чадалтай тив алгасагч баллистик пуужинтай байж магадгүй гэж Америкийн цэргийн командлал үзэж байна. Ийм мэдэгдлийг АНУ-ын Агаарын цэргийн хүчний штабын дарга, хурандаа Марк Уэлш Пентагонд болсон хэвлэлийн бага хурлын үеэр хийжээ.
“Умард Солонгос манай улсын баруун эрэгт эсвэл Хавай аралд тусах чадалтай пуужинтай байж магадгүй” гэж тэрбээр Солонгосын хойгийн байдал хурцадсантай холбоотойгоор сэтгүүлчдийн тавьсан асуултад хариулахдаа хэлжээ. Пхеньяны пуужингийн хөтөлбөр нь АНУ-ыг урьдын адил ихээхэн түгшээсэн хэвээр байна гэж Уэлш хэлсэн байна.
Үүний сацуу АНУ-ын баруун эрэгт хүрэх чадалтай баллистик пуужин Умард Солонгост байж магадгүй тухай мэдээлэл урьд нь хэвлэлүүдэд гарч байсан болохыг тэрбээр сануулаад “энэ талаар өгөх өөр шинэ мэдээлэл байхгүй” гэдгийг нэмж хэлжээ.
Д.Жаргал
Эх сурвалж: "Монцамэ" агентлаг
Сэтгэгдэл0
Бид яавал Хойд Солонгос шиг аугаа болж болох бол.Энэ "бяцхан" улс дэлхийн жандармыг сүрдүүлээд хээрийн сургуульд оролцож байсан бүх усан онгоцнуудыг нь эргүүлэн татуулж дөнгөж байна гэдэг бол атаархал төрүүлж байна.Ёстой л чадаж байгаа юманд арга алга аа.