УИХ-ын Төрийн байгуулалтын байнгын хороо өнөөдөр үдээс хойш хуралдаж, эхний асуудлаараа сонгуулийн санал авах өдрийн товыг тогтоолоо.
“Монгол Улсын Их Хурлын болон аймаг, нийслэлийн иргэдийн Төлөөлөгчдийн хурлын ээлжит сонгуулийн санал авах өдрийг тогтоох тухай” УИХ-ын тогтоолын төсөлд УИХ болон аймаг, нийслэлийн ИТХ-ын 2016 оны сонгуулийн санал авах өдрийг зургадугаар сарын 29-ний өдрөөр тогтоох тухай Сонгуулийн ерөнхий хорооноос /СЕХ/ тусган оруулж ирсэн юм.
Мөн гадаадад буй сонгуулийн эрх бүхий иргэдийн УИХ-ын ээлжит сонгуулийн саналыг 6 дугаар сарын 17, 18, 19-ний өдөр авах тухай тусгажээ. Гишүүд хэлэлцээд сонгуулийн санал авах өдрийг СЕХ-ны саналаар тогтоохоор дэмжив.Мөн УИХ-ын болон аймаг, нийслэлийн ИТХ-ын 2016 оны ээлжит сонгуульд техник хэрэгсэл хэрэглэх тухай УИХ-ын тогтоолын төсөл дэмжигдлээ.
Н.Гантуяа
Эх сурвалж: "Монцамэ" агентлаг
Сэтгэгдэл0
Хөөргөн Монголчуудыг дах шиг дээлээ халбалзуулж, мах идэж, морь уралдаж явахад нь засаг төр, улс орон, баялагийг нь булааж авахад тохиромжтой цаг хугацаа мөнөөс мөн шүү, За сонгуулийн луйвраа амжилттай хийцгээе,
Бид АРД түмнээс шууд хараат Ерөнхийлөгчийн засаглалтай болох хэрэгтэй. Ерөнхийлөгч нь Ерөнхий сайдаа томилно. ЕС нь сайдуудаа томилно. Монгол улсын Шадар сайд мөн АРД түмнээс хараат байхаар сонгогдоно. Хэрвээ өчүүхэн буруу хөдлөх аваас төрийн хатуу цээрлэл хүртэнэ. УИХ-ын 76 тарвага хиг хог гэж ард түмнийг нийлж байгаад хошгируулдаг байсан нь гашуун түүх болон үлдэнэ.