УИХ-ын Төрийн байгуулалтын байнгын хорооны хуралдаанаар УИХ-ын сонгуулийн тов, тойргийн дугаар, мандатын тоог тогтоох асуудлыг хэлэлцэх үеэр нийслэлийн мандатыг нэмэх талаар АН-аас гаргасан санал олонхийн дэмжлэг авалгүй уналаа.
Хэлэлцүүлгийн үеэр АН-ын бүлгийн гишүүдээс гаргасан зарим тойргийг хасч, нэмэх, нэгтгэх тухай зарчмын зөрүүтэй саналаар санал хураалгасан юм. Тодруулбал, “Завхан, Увс, Хэнтий, Дорнод аймгийн тус бүр хоёр мандатаас нэгийг хасч дөрвөн мандатыг нийслэлийн Баянгол, Баянзүрх, Сонгинохайрхан, Хан-Уул дүүрэгт нэмэх”, “Дорноговь-Говьсүмбэр аймгийн тойргийг салгаж Дундговь-Говьсүмбэр аймгийн дунд нэг тойрог болгох, Дорноговь аймгийг тусад нь тойрогтой болгох”, “Налайх дүүрэг Хан-Уул дүүргийг нэгтгэн нэг тойрог болгох” гэсэн зарчмын зөрүүтэй саналаар санал хураалгасан ч олонхи дэмжсэнгүй. Ингэснээр сонгуулийн мандатыг 2012 оны жишгээр тогтоох асуудал дэмжигдэж байгаа юм.
Үүгээр Төрийн байгуулалтын байнгын хорооны хуралдаан өндөрлөсөн бөгөөд УИХ дахь АН-ын бүлэг хуралдахаар цуглав. Бүлгийн хуралдааны дараа УИХ-ын чуулган хуралдаж энэ асуудлыг эцэслэх юм.
Н.Туяа
Эх сурвалж: "Монцамэ" агентлаг
Сэтгэгдэл0
Новш гэж. Монгол төрийн түшээгийн төлөө газар нутаг мал сүрэг сонгууль өгдөг буруу практик нь одоогын УИХ-д аалз мэт үүрлэсэн.Хөдөөгийн хүн ардын тархийг угааж хий үзэгдлээр айлгаж сурсан хэдхэн амьтаны эрх яамбын төлөө болж байна. Хөдөөгийн сонгогч малчин хүн ардаа хөдөөнөөс сонгогдсон УИХ-ын гишүүд амьдрах аргаггүй болтол нь амьдралыг нь доройтуулсанаас малчид хөдөөнөөс хотыг зорьж ачааллыг нэмэгдүүлсэнээс биш сайн дураараа орж ирээгүй. Та нар хүний амьдралыг гуйлгачин болгож хотруу орхоос өөр аргаггүй болгочихоод одоо хөдөөнөөс орж ирсэн сонгогч нарыг малаас нь дор үзэж бөөнөөрөө олоуулаа л хотдоо саналаа өгөхгүй ву? хэмээн тавалж байна. Хөдөөнөөс хотод орж ирсэн.Амьдралаа арай дээр болгож байгаа малчидаа хөдөөгөөс дүрвэгчидээ та нар хөдөө амьдрах ах дүү аав ээж өвөө эмээ дүү хүүхдүүддээ захиарай. Биднийг хөдөөнөөс хотын хогруу хаячихаад одоо та нарыг дуугүй томоотой улс төр сонирхдоггүйг ашиглаж зөөлөн суудалд суусаар ирсэн энэ махчингуудыг дахин бүү сонгоорой. өөосдийнх нь амьдрал авгай хүүхэд нь өдөр ирэх тусам өөхөлж таргалж байгааг намын даргын бие авгай хүүхдийнх нь жингээс хараарай. хөпдөө ийм тарган цатгалан улс байна уу?2016 онд энэ луйварчдыг дахин бүү сонгоорой. Шинэ залуу улс төрчдөө сонгоорой гэж уриалж байна.