sonin.mn

МОСКВА. /Sputnik/. ОХУ-ын нефтийн экспортын татвар нэгдүгээр сард нэг тонн тутамд 73.3 доллар байсан нь хоёрдугаар сард 21.3 доллароор буурч, 52 доллар болсон гэж тус улсын Эдийн засгийн хөгжлийн яам мэдэгдэв.

Дорнод Сибирь, Каспийн болон Арктикийн “Приразломное” ордноос олборлодог нефтийн экспортын татварыг 2015 оны хоёрдугаар сард тэглэсэн. Хэрвээ нэг тонн нефтийн дундаж ханш 65 доллароос хэтрэхгүй бол экспортын татвар тэг хэвээр байх ажээ.

Саудын Араб тэргүүтэй Нефть экспортлогч орнуудын байгууллагын /ОПЕК/ олборлолт өндөр хурдацтай байсантай холбоотойгоор 2015 онд нефтийн ханш 60 хүрэхгүй доллар байсан билээ.

2016 оны нэгдүгээр сарын дунд үед түүхий нефтийн зах зээлийн ханш сүүлийн 12 жилд байгаагүйгээрээ унаж, нэг торх нефть 30 доллар болсон байна. Гэвч нэгдүгээр сарын 20-ноос ханш дахин өсөж эхэлжээ.

Д.Нямтулга

 

Эх сурвалж: “Монцамэ” агентлаг