Дэлхий нийтийн хөдөлмөрчдийн “Эв санааны нэгдэл”, “Тавдугаар сарын 1”-ний баярыг сэргээн тэмдэглэх нь нийгмийн ач холбогдлыг чухлаар үнэлсэн арга хэмжээ болно хэмээн өнөөдөр болсон “Эв санааны нэгдэл” Үйлдвэрчний эвлэлээс зохион байгуулсан хэвлэлийн хурлын үеэр онцлов.
Монгол Улс ардчилсан нийгмийн тогтолцоонд шилжсэнээс хойш “Майн баяр”-ыг тэмдэглэхээ болиод 26 жил болжээ. Энэ хугацаанд нийгмийг шинэ дэвшилд хүргэх төрөл бүрийн жагсаал цуглаан, улс төрийн намуудын үйл ажиллагаа тавдугаар сарын 1-ний баярыг орлож байсан. Аливаа хөдөлмөр эрхэлж байгаа хүний хөдөлмөрийн үнэлэмж ихээр доголдох болсон Монгол оронд шударга зарчмыг хөгжүүлэх, чухал хөшүүрэг болсон “Эв санааны нэгдэл”-ийн баяр үгүйлэгдэж байна. Иймд монгол хүний хөдөлмөрийн үнэлэмж буурсан энэ цаг үед хөдөлмөр эрхэлж буй хүн бүрийн эрхийг хүндэтгэн хамгаалах, Монголд шударга ёсыг тогтоох, хөгжүүлэх зорилгоор “Эв санааны нэгдэл”-ийн баярыг дахин сэргээн тэмдэглэх нь зүйтэй хэмээн тус Үйлдвэрчний эвлэлийн тэргүүн С.Эрдэнэ хэллээ.
Мөн тэрбээр баярын арга хэмжээнд улс төрийн нам болон олон нийтийн байгууллагууд, ард иргэдийг өргөнөөр оролцохыг уриалав.
Энэ өдрийг сэргээн тэмдэглэснээр хөдөлмөрийн харилцаанаас үүдэлтэй олон асуудлыг шударгаар шийдвэрлэх, ажиллах хүчний хөдөлмөрийн оролцоо, үнэлгээ үр дүнг шийдвэрлэхэд чухал эхлэл болох юм.
“Эв нэгдлийн баяр”-ыг ард түмэн, хамт олондоо хандсан баярын мэндчилгээ, уриа, ерөөлийн мэндчилгээгээр олон нийтийн байгууллагуудын сурталчилгаагаар дуу хоолойгоо нэгтгэсэн өдөр болгон тэмдэглэх аж.
Ж.Болор
Эх сурвалж: “Монцамэ” агентлаг
Сэтгэгдэл0
Урьд цагт хэдий коммунист үзэл суртал байсан ч гэлээ хүмүүсийн хувьд хаврын хавсарга зөөлөрч зуны уур амьсгал орсон хамаг амьтны сэтгэл тэнийсэн сайхан баяр байсан.Хүмүүсийг баяр хөөр автуулдаг сайхан баяр шүү.Энэ баярыг бүх нийтээр амрах гэхээсээ хөдөлмөрчдийн эрх ашгийг хамгаалах өдөр болгох хэрэгтэй.Өөр газар бол үйлдвэрчний эвлэл энэ өдрийг жинхэнэ утгаар нь хөдөлмөрийн хүний эрх ашгийг хамгаалж тэмцлийн өдөр болгож цалингаа авч чадахгүй байгаа, илүү цагаар ажилладаг болон хөдөлмөрлөх эрхээ зөрчүүлж байгаа олон зуун мянган ажилчдын дуу хоолойг хүргэж жагсаал цуглаан зохион байгуулдаг.Манай МҮЭХ бол авлигачдын тэр дундаа МАН-ын халаасанд орсон.Хөдөлмөрчдийг хамгаалах энэхүү эвлэлийн дарга нь авлигач МАН-аас нэр дэвшиж УИХ-д сонгогдож л байсан.Ийм ҮЭ байснаас байгаагүй нь дээр.
Нөгөө бусармаг хуурамч худалч ардчилал хэмээгч нь дарагдаж харин дарагдаж байсан хөдөлмөрчдийн эв санаа эрхээ хамгаалах шудрага ёс дэгдэж байх шив.Монголчууд сэргэж хулгайч улс төрчдын тархи ялзарч нэр сүр нь шороотой хутгалдаж ард түмэн жигшдэг болжээ.Хөдөлмөрчин ардууд нэгдэхтүн!!!
Монголын ард тумэн олон жил тэмдэглэж ирсэн сайхан баяр сэргээн тэмдэглэхийг дэмжиж байна.