sonin.mn
Сэтгэгдэл (0)
 
 
ТЕГЕРАН. /TASS/. Иран улсын нефтийн экспортын хэмжээ хоногт 2,3 сая баррельд хүрчээ. Энэ тухай тус улсын Ерөнхийлөгч Хасан Рухани нийслэл Тегеран хотын ойролцоох нэгэн үйлдвэрт зочлох үеэрээ мэдэгдсэн байна.
 
“Манай улс газрын тос  болон хийн конденсатын экспортынхоо хэмжээг хоногт 2,3 сая баррельд хүргэсэн нь Үйл ажиллагааны хамтарсан цогц төлөвлөгөөг /Ираны цөмийн асуудлаарх зуучлагч зургаан улс болон Ираны хоорондох тохиролцоо/  хэрэгжүүлж эхлэхээс өмнөх үетэй харьцуулахад 2 дахин нэмэгдлээ” гэж Рухани онцлон дурджээ.
 
Ираны эсрэг хоригийг цуцлахаас өмнө хоногт ердөө 1 сая баррель нефть экспортлохыг тус улсад зөвшөөрдөг байв. 
Ираны Нефтийн яамны мэдээллээр, 3 дугаар сарын 20-ноос хойших хугацаанд тус улс экспортын хэмжээгээ хоногт 2 сая тоннд хүргэн нэмэгдүүлсэн бол 4 дүгээр сард олборлолтын хэмжээ 400 мянган баррелиар өсч хоногт 3,5 сая баррельд хүрсэн байна. Харин энэ оны Ираны төсөвт нефть олборлолтыг хоногт 2,25 сая баррель байхаар тусгажээ.
 
Д.Нямтулга

Эх сурвалж: “Монцамэ” агентлаг