Хэрэв УИХ-ын чуулганы танхимд өрнөсөн халуухан маргаан баттай бол “Фортуна” Б.Батбаяр, Х.Тэмүүжин хоёрыг Чингисийн одонгоор шагная. Намдаа байгуулсан “гавьяа”, хичээл зүтгэлийг нь өндрөөр үнэлж энэ одонгоор тусгайлан шагная.
Ер нь ч тэгээд ард түмнийг хуурч, луйвар хийнэ гэдэг барагтай аавын хүүгийн хийж чадах ажил биш. Үүний тулд нэлээд дадал, туршлага, цаашлаад ур чадвар хэрэгтэй.
Мөн хэнээс ч ичихгүй нүүртэй байна гэх хатуухан шалгуур бас бий. Энэ ч утгаараа тэднийг АН-ын өмч болсон Чингисийн одонгоор нэхэн шагнах нь зүйн хэрэг юм. Учир нь, УИХ-ын гишүүн Ц.Нямдоржийн өгүүлснээр Увсын тойргийг эрээвэр хураавар болгож хуваахад мань эрхмүүдийн хүчин зүтгэл нэлээд байсан бололтой юм билээ. Энэ тухай эрхэм гишүүн “Б.Батбаяр Х.Тэмүүжин хоёр тойрог зурдаг болсон юм байна. Х.Тэмүүжинг Увсад очиж нэг хоносныг мэдэх юм. Гэтэл Увсыг тойргийг хуваах хүртлээ энэ нутгийг мэддэг болсын би лав мэдэхгүй юм байна” хэмээн хатуухан үг хаягласан байсан.
Ер нь ч тэгээд ганц энэ асуудал гэлтгүй өнгөрсөн дөрвөн жилийн хугацаанд Б.Батбаяр, Х.Тэмүүжин хоёрын намдаа байгуулсан “гавьяа” их. “Фортуна” Б.Батбаяр л гэхэд эзэн хааны нэртэй бондыг дэлхийд тамгалж, Монгол Улсын өрийн тоолуурыг гэрлийн хурдаар нэмсэн “гавьяатан”. Харин Х.Тэмүүжин хууль зүйн салбарын шинэчлэл нэрээр Монголын хууль зүйн салбарыг бүхэлд нь самарсан төдийгүй үүний балаг өнөөдөр ч дуусаагүй байгаа. Иймээс энэ хоёр эрхэмд Монголын ард түмэнд байгуулсан “гавяа”-г үнэлж Чингисийн одонгоор шагная. Энгэртээ гялалзуулаад яваг тэд.
Сэтгэгдэл0
Энэ хүн үнэн бичсэн байна.Батбаярыг эдийн засгийн чиглэлийн хүн гэж сонссон.Гэтэл Нягтлан бодох бүртгэлийн А-ч гүй санхүүгийн тайлангийн ОУСтандартын дагуу Засгийн газар/төсвийн байгууллага/, аж ахуйн нэгжүүд тайлангаа гаргадаг.Балансын пассив талд өр төлбөрийг тусгадаг.Өр төлбөр дотроо дансны өглөг/цалингийн,НДШ-ийн ХАОАТ-ын гм/ зээлийг урт богино хугацаат зээл гэж ангилдаг.Бондын ХО-ын мөн адил,өрийн бичиг зэргийг мөн адил,хугацаа хэтэрсэн өрийг насаар нь ангилдаг/стандартын дагуу/ мөн чанаргүй зээлийг найдвартай,найдваргүйгээр нь гм гэтэл үүнийг Батбаяр гишүүн ойлгож ярьж байна уу эсвэл огт мэдэхгүйгээ харуулж өр өглөг гэж салгаж үзье ггэх шиг хаана ч байдаггүй НББ-ийн онол гаргах гэж тэнэглэх юм. Ер нь энэ ч биш УИХ-ын хэзээч билээ /өнгөрсөн оны байх/ чуулганд S-ын ханшийг буулгана гээд цээжний пангаар авч буурах боломжгүй гэж хэлсэн гишүүнээ үг хэлээр доромжилж харагдсан, гэтэл өнөөдөр тэр нь хаана байна. дандаа хийрхсэн мэргэжлийн мэдлэггүйгээ харуулж байгаа юм шиг намаа цээжээрээ хамгаалж байгаа хүн шиг загнах юм.Энэ хүнээс /энэ мэт/ АН салвал таарна.
ан эхний ээлжинд алкаш Нямжавын Батбаяр, зальт хуулч Х Тэмүүжин нарыг УИХ ХУРАЛД ОРУУЛАХГҮЙ БАЙХ ХЭРЭГТЭЙ
ene metiin hogiin shaar novshnyydiig turoos hyrdan tseverleh heregtei ard irgeded anhaaryylhad ene hoeriin neriig har chagtaar darna shu,bolohgyi bol songyyliinhaa hyydsiig hychingyi bolgono shu Mongolchyydaa