Сүхбаатар аймгийн Ардчилсан намын ээлжит бус хуралдаан болж 2016 оны 5 сарын 23-ны өдөр болж өнгөрлөө. Хуралдаанаар аймгийн ардчилсан намын хорооны гишүүдийн 100 хувийн саналаар аймгийн засаг дарга Ж.Батсуурийг 2016 оны Улсын Их Хурлын 24-р тойрогт нэрийг нь дэвшүүлэхийг дэмжжээ.
Аймгийн намын хорооны хуралдаанаас гарсан энэхүү шийдвэрийг Ардчилсан намын Үндэсний зөвлөлдөх хороонд өргөн барих юм. ҮЗХороо нь 5 сарын 27-нд хуралдаж эцсийн шийдвэрийг гаргана гэдгийг Сүхбаатар аймгийн ИТХ-ын дарга П.Мөнхжаргал хэллээ.
Засаг дарга Ж.Батсуурь нь 8 жил аймгийн засаг даргаар ажилласан бөгөөд өнөөдрөөс эхлэн 8 жилийн хугацаанд хийж хэрэгжүүлсэн ажлаа ард иргэддээ тайлагнахаар бүх сумаараа тойрч ажиллах юм.
Т. Одончимэг
Эх сурвалж: "Монцамэ" агентлаг
Сэтгэгдэл0
ЭНЭ нөхөр урвагч улааныг нам дарах нь
Ардчилал гэдэг чинь Монголын ард түмний өмч. Харин тэр АН чинь аль хэдийн ардчилалын үнэт зүйлсийг гээж нам нэртэй олигархи бүлэглэл болсоныг мэдэх үү. Тэд харин ч ардчилалын дайсан болоод байна. Тэд нэг намын дарангуйлал тогтоохыг оролдож байна
Сүхбаатар аймгийнхаа төсвөөс илүү хөрөнгө мөнгөтэй баян дарга гэнэ лээ хөөрхий