ВАШИНГТОН. /VOA/. Европын Холбооноос гарахаар Их Британийн ард түмний хийсэн сонголтыг манай улсын Засгийн газар хүндэтгэж байна гэж АНУ-ын Ерөнхийлөгч Барак Обама мэдэгдлээ.
Баасан гарагт Цагаан ордны гаргасан мэдэгдэлд “АНУ болон Их Британи цаашид ч урьдын адил найрсаг харилцаатай хэвээр байна” гэжээ.
Обама хэлэхдээ “Их Британийн НАТО дахь гишүүнчлэл АНУ-ын гадаад бодлого, аюулгүй байдал болон эдийн засгийн бодлогуудын нэгэн чухал тулгын чулуу хэвээр байх болно” гэсэн байна.
Мөн Их Британи болон ЕХ-ны аль аль нь АНУ-ын хувьд чухал түнш хэвээр байх болно гэж Ерөнхийлөгч Обама хэлжээ.
Г.Доржханд
Эх сурвалж: "Монцамэ" агентлаг
Сэтгэгдэл0
Sarmagchingiin nar ni garch ,eson husel ni buelj dollor hadand garchee.