sonin.mn
Сэтгэгдэл (0)
МОСКВА. /Kyodo/. ОХУ-ын Ерөнхийлөгч Владимир Путин болон Японы Ерөнхий сайд Шинзо Абэ нар ирэх сарын 2-нд Владивосток хотноо хэлэлцээ хийнэ гэж Оросын сайд мэдэгдлээ.
 
ОХУ-ын Алс Дорнодын хөгжлийн сайд Александр Галушка пүрэв гарагт Москва хотноо сэтгүүлчдэд мэдэгдэл хийхдээ энэ төлөвлөгөөг дэлгэжээ.
Есдүгээр сарын 2-3-нд Оросын Алс Дорнодын тус хотод болох олон улсын эдийн засгийн форумд Абэ оролцох аж. Ази-Номхон далайн улсуудаас Орос руу хөрөнгө оруулалт татах зорилготойгоор уг арга хэмжээг жил бүр зохион байгуулдаг юм.
 
Дээд хэмжээний уулзалт зохион байгуулах асуудлыг тус хоёр улсын албаны хүмүүс уг форумын үеэр авч хэлэлцсээр ирсэн билээ.
Абэтэй тавдугаар сард уулзахдаа Путин “эдийн засаг бол хамгийн чухал асуудал” гэж байсан юм. Үүний хариуд Япон улс Оросын эдийн засгийг хөхиүлэн дэмжих найман заалт бүхий хамтын ажиллагааны төлөвлөгөөг санал болгосон.
 
Ажиглагчдын үзэж буйгаар, Оросын Алс Дорнодын аж үйлдвэрийг хөгжүүлэх арга хэмжээ зэрэг багтсан уг төлөвлөгөөг аль болох хурдан хэрэгжүүлэхийг Москва хүсч байгаа нь илэрхий байна.
 
Владивостокийн форумд Өмнөд Солонгосны Ерөнхийлөгч Пак Гын Хэ мөн оролцох аж. Тэрбээр есдүгээр сарын 3-нд Ерөнхийлөгч Путинтай уулзахаар төлөвлөжээ.
 
Г.Доржханд
Эх сурвалж:“Монцамэ” агентлаг