ВАШИНГТОН. /BBC/. Аж үйлдвэрийн салбарын хэт үйлдвэрлэлийг зохицуулах арга хэмжээг авахаа түргэсгэхийг АНУ-ын Ерөнхийлөгч Барак Обама Хятад улсад уриалжээ.
Б.Обама Нью-Йоркт болж буй НҮБ-ын Ерөнхий Ассамблейн чуулганы үеэр Ерөнхий сайд Ли Көцянтай уулзсан байна.
Дотоодын зах зээл дээрээ бүтээгдэхүүнийг хямдаар борлуулан үнийг унагаж байгаа нь шударга бус явдал гэж гадаадын компаниуд Хятадыг буруутгасаар байгаа билээ.
4 дүгээр сард Хятад улс гангийн үйлдвэрлэлээ бууруулна гэдгээ 30 улсын төлөөлөгчид оролцсон хямралын асуудлаарх уулзалт дээр амлаж байсан юм.
Цагаан ордны мэдэгдэлд дурдсанаар, Ерөнхийлөгч Б.Обама тоглоомын ижил дүрмээр өрсөлддөг талбарыг бий болгохыг Хятадын талд уриалжээ. Ингэснээр бүх компаниуд хоорондоо шударгаар өрсөлдөх боломжтой болох юм.
Энэ оны эхээр Хятад дахь ЕХ-ны Худалдааны танхим эрэлтээс давсан үйлдвэрлэлийн асуудлыг шийдвэрлэхийн тулд Хятад улс дорвитой зүйл хийхгүй байна гэж шүүмжилсэн юм.
“2007-2015 онуудад Хятадын Коммунист Намын эдийн засгийн асуудлаарх жил тутмын хурлуудын үеэр хэт үйлдвэрлэлийн асуудлыг нэн тэргүүнд шийдвэрлэвэл зохих асуудал гэж ярилцдаг боловч зарчмын өөрчлөлтүүд гарахгүй байна” гэж Европын Худалдааны танхимын Ерөнхийлөгч Йорг Вуттке хэлжээ.
Х.Сарнай
Эх сурвалж: “Монцамэ” агентлаг
Сэтгэгдэл0
Teeer
Үнэ хямд бол сайн л биз дээ.Тэгвэл Америкууд ч гэсэн үнээ буулгаад ёвропууд ч гэсэн үнээ буулгаад шудрагаар өрсөлд л дөө.Хамгийн гол хэрэглэгчээ бодох хэрэгтэй шудрагаар өрсөлдөх хэрэгтэй.Заавал бусад орныг дуурайгаад дагаад үнээ өсгөх нь шудрага өрсөлдөөн биш байх. Харин бусад нь Хятадыг дагаад үнээ буулгаад өрсөлдөөд үзэх хэрэгтэй. Ха ха.