sonin.mn
Сэтгэгдэл (0)
Ирэх аравдугаар сарын 19-ний лхагва гарагт болох Сум, дүүргийн ИТХ-ын 2016 оны ээлжит сонгуульд есөн нам, нэг эвслээс 14,489 нэр дэвшигч, бие даагч 723 хүн өрсөлдөнө. 
 
Энэ удаагийн сонгуулиар 21 аймгийн 1613 баг, нийслэлийн есөн дүүргийн 152 хорооноос нийт 7282 төлөөлөгч сонгогдох юм. Эдгээр 7282 мандатын төлөө өрсөлдөхөөр 15,212 нэр дэвшигч бүртгүүлсэн байна.
 
Сонгуульд МАН, АН, ИЗНН, Монголын ногоон нам, Бүгд найрамдах нам, МАХН, Эх орон нам, МҮАН, Хөдөлмөрийн үндэсний нам гэсэн есөн нам, АН-МАХН-ын "Төв нутаг" эвсэл оролцох юм. 
 
Сонгуульд нэр дэвшигчдийн үнэмлэхийг Сонгуулийн тухай хуульд заасны дагуу санал авах өдрөөс 22 хоногийн өмнө буюу энэ сарын 27-ны өдөр гардуулах юм. Харин сонгуулийн сурталчилгаа 10 дугаар сарын 01-ний өдрөөс эхэлж 10 дугаар сарын 17-ныг дуустал явагдана.
 
Сонгуулийн санал авах ажиллагааг аравдугаар сарын 19-нд Улаанбаатарын цагаар 07:00-22:00 цагийн хооронд улс орон даяар явуулна.
 
Н.Туяа
Эх  сурвалж: “Монцамэ” агентлаг