Монголын банк санхүүгийн салбарын тэргүүлэгч Голомт банк Олон Улсын Санхүүгийн Корпораци (IFC)-иас БНХАУ-ын нийслэл Бээжин хотод 2016.09.19-21-ний өдрүүдэд зохион байгуулсан “Global SME finance forum” чуулга уулзалтад оролцож, жижиг дунд бизнесийн салбарт бий болсон шинэ боломж, туршлага, хөгжлийн чиг хандлагатай танилцлаа.
Өнөөдөр Дэлхий дахины нийт бизнес эрхлэгчдийн 95 хувийг, нийт ажил олгогчдын 50 гаруй хувийг Жижиг дунд бизнес эрхлэгчид бүрдүүлж байна. Аливаа улс орны хөгжлийн гол хөшүүрэг болох ажлын байрыг нэмэгдүүлэх, эдийн засгийн өсөлтийг нь хангахад энэ салбарын оролцоо асар өндөр гэдгийг Олон Улсын Санхүүгийн Корпораци (IFC) дэлхий дахинд сануулж байна.
Чуулга уулзалтад Дэлхийн 40 орчим орны олон улсын банк санхүүгийн 150 гаруй байгууллага, хөгжлийн агентлагууд оролцсон. Жижиг дунд бизнес эрхлэгчдэд бага хүүтэй уян хатан нөхцөлтэй санхүүжилтээс гадна тэднийг чадавхжуулах санхүүгийн мэдлэг боловсрол, зөвлөгөө, технологийн дэвшлийг ойртуулах нь нэн чухлыг онцолсон олон санал санаачилгууд гарсан байна.
Голомт банкны хувьд Жижиг дунд бизнесийг дэмжих Монгол Улсын Засгийн бодлого стратегийн хүрээнд томоохон олон төсөл хөтөлбөрийг хэрэгжүүлж ирсэн бөгөөд жижиг дундынханд хүргэх бүтээгдэхүүн үйлчилгээгээ улам бүр боловсронгуй болгоход “Global SME finance forum” чуулга уулзалт чухал ахиц өглөө. Энэ үеэр мөн Голомт банкны Гүйцэтгэх Захирал Ө.Ганзориг БНХАУ-ын Bloomberg телевизээр Монгол Улсын эдийн засгийн нөхцөл байдлын талаар нийт хөрөнгө оруулагчдад зөв зохистой, бодит мэдээллийг өгсөн юм.
Сэтгэгдэл0
Голомт жижиг дунд бизнесийг дэмждэг гэвэл шал худлаа шүү АН-ЫН банк шүү дээ .Зээл олгох нэртэй тагнуул хийдэг тамлан зовоодог банк даа.
Банк бол тагнуулын байгууллага юм. Бүх юмыг мэдээд эсрэгээр хийх нөхцөлийг бүрдүүлэхэд манлайлж байгаа юм.
"Монгол банк"-ны ерөнхийлөгчийн ажиллахдаа ямагт алдаатай бодлого гаргасан Н.Золжаргалын балгаар монголчууд санхүү, эдийн засгийн хямралаас ойрын хэдэн жилдээ гарч чадахгүй нь нэгэнт тодорхой байгаа. Энэ хүнээс болж Монголын үндэсний мөнгөн тэмдэгт болох төгрөгийн ханш чихрийн цаас болтол унаж, доллар тэнгэрт хадаж өргөн хэрэглээний бараа бүтээгдэхүүний үнэ өдрөөс өдөрт өссөөр байгаа юм. Ялангуяа гадаадаас оруулж ирдэг юм болгон өндөр үнээр борлуулагдах болсон тул ард иргэдийн амьдрал улам ядуурч, үүнтэй зэрэгцэн худалдан авагчгүй болсон үндэсний компаниуд ар араасаа хаалгаа барьсан билээ. Бүхэл бүтэн улс орноороо дампуурах зам руу түлхэж оруулсан Н.Золжаргал өдгөө харин ямар нэг хариуцлага хүлээхгүй сураг чимээгүй алга болсон нь хачирхалтай. Түүний боловсруулсан алдаатай бодлогуудын төлөө хариуцлага хүлээлгэх "хоншоортой" хүн байдаггүй юм гэхэд "Үнэ тогтворжуулах хөтөлбөр" гэгчийн хүрээнд төгрөгийг их хэмжээгээр үйлдвэрлэсэн явдалд нь хариуцлага тооцох ёстой. Долоон тэрбум гаруй төгрөг үйлдвэрлэн доллар худалдан авч байсан нь төгрөгийн ханшийг навс унагаж, хямралыг гааруулсан гэдгийг өнөөдөр банк санхүүгийн мэдлэгтэй хүмүүс хэлж байгаа юм. Н.Золжаргалын санаачилж, Н.Алтанхуягийн засгийн газраар дэмжүүлэн хэрэгжүүлсэн энэ хөтөлбөрийн цаана шинээр нэмж үйлдвэрлэсэн төгрөгөөр доллар сольж авах бохир арилжаа дөрвөн жилийн турш тасралтгүй үргэлжилсэн болохыг "Монгол банк"-ны ажилтнууд ч мэдэж байсан байна. Гэсэн ч Н.Золжаргалын санаачилсан бас нэг луйврын бодлого болох "Ажилтнуудаа урамшуулах санаачилга" гэгчид амаа үдүүлэн даргаасаа сэм сэмхэн долларын урамшуулал хүртэх, байр худалдан авах зэрэг ахуй амьдралаа өөд нь татацгаажээ. Түүнээс биш төгрөгийг бөөнөөр нь үйлдвэрлээд доллар худалдаж авах нь улс орны эдийн засаг, нэн ялангуяа санхүү мөнгөний бодлогыг аймшигтайгаар гажуудуулж, хямралд хүргэдэгийг мэдэхгүй хүн "Монгол банк"-нд юу гэж ажиллах билээ. Н.Золжаргал ийнхүү төгрөг үйлдвэрлэн гүйлгээнд гаргахдаа өөртөө маш их мөнгө завшин цулайтлаа баяжжээ. Түүний энэхүү луйварт хамгийн идэвхтэй татагдан оролцсон хүмүүс бол долларын ченжүүд аж. Н.Золжаргалын үйлдвэрлэсэн долоон тэрбум төгрөгийг доллар болгох ажилд гар бие оролцсон ченжүүд үнийн зөрүүнээс нь бас хөөрхөн ашиг олжээ. Төгрөгийг доллар болгон хурааж эхэлмэгц иргэдийн гар дээр долларын хомсдол үүсэн ханш нь зогсолтгүй өсөн нэмэгдсээр хоёр мянган төгрөг даваад явчихсан юм байна. Н.Золжаргал доллар үйлдвэрлэж чадахгүй гэдгээ сайн мэдэж байсан учраас өөрийнхөө эрх мэдэл албан тушаалыг ашиглаж монгол төгрөг үйлдвэрлэн өөрийнхөө халаасыг зузаалсан гэж энгийнээр ойлгоход л болно. Банк санхүүгийн аргаар ч гэдэг юм уу бузар санаагаар ч юм уу ингэж баяжсан Н.Золжаргал одоо хаана байгаа нь тодорхойгүй байна. "Монгол банк"-ны ерөнхийлөгчийн албанаас хөндийрсөн даруй хил даван алга болжээ. Саяхан ОХУ-ын Дотоод хэргийн яамны Авлигын эсрэг ерөнхий газрын дэд дарга, хурандаа Д.Захарченкогийн гэрийг нэгжихэд 27 тэрбум рубль илэрсэн тухай дуулиан шуугиан дэлхийгээр нэг дэгдсэн дээ. Түүнийг Оросын баячуудыг шантаажлан, төр засгийн томоохон эрх мэдэлтнүүдээс авлигадаж авсан их мөнгөө гэртээ нууж байсан хэмээн сэжиглэн шалгаж байгаа. Тэгвэл Золжаргал ч гэсэн түүнээс дутахгүй их мөнгө хаа нэг газар нуусан байгаа нь лав. Иймээс Н.Золжаргал болон түүний ах дүү хамаатан саднуудын гэрт нэгжлэг хийвэл бусармаг аргаар цуглуулсан баахан доллар гараад ирж мэдэх л байх.