Монгол Улсын Ерөнхийлөгчийн 2016 оны 8 дугаар сарын 9-ний өдөр гаргасан Уран дархны урлагийг дэмжих тухай 115 дугаар зарлигийг гардуулах ёслол өнөөдөр Ерөнхийлөгчийн дэргэдэх Иргэний танхимд боллоо.
Монгол Улсын Ерөнхийлөгчийн Тамгын газрын дарга Ц.Баярсайхан уг зарлигийг БСШУС-ын сайд Ж.Батсуурь, МҮОНТ-ийн захирал Ц.Оюундарь, Монгол дархны “Түмэн эрдэнэс” холбооны тэргүүн С.Батзоригт нарт гардуулан өгөв.
Зарлиг гардуулах ёслолын үеэр Монгол Улсын Ерөнхийлөгчийн Тамгын газрын дарга Ц.Баярсайхан хэлсэн үгэндээ “Та бүхний энэ өдрийн амгаланг айлтгая. Монгол Улсын Ерөнхийлөгчийн мөрийн хөтөлбөрт үндэсний хэл, соёл, заншил, түүхээ эрхэмлэн дээдлэх чиглэлийн олон үйл ажиллагаа явуулахаар багтаасан.
Энэ хүрээнд монгол үндэсний сонгодог өв болох уран дархны урлагийг өвлөн уламжлах, хадгалан хамгаалах, олон нийтэд сурталчлан таниулах чиглэлээр үйл ажиллагаа явуулахад дэмжлэг үзүүлэх зорилгоор Монгол Улсын Ерөнхийлөгчийн 2016 оны 8 дугаар сард зарлиг гаргасан.
Энэ зарлигийн дагуу Монгол Улсын Ерөнхийлөгчийн ивээл дор “Монгол дархан” үзэсгэлэнг 3 жилд нэг удаа, 7 дугаар сарын эхний 15 хоногт багтаан зохион байгуулж байхаар Монгол Улсын Ерөнхийлөгчийн Тамгын газар, Соёлын асуудал эрхэлсэн төрийн захиргааны төв байгууллага, холбогдох төрийн бус байгууллагад үүрэг болгосон. Энэ чиглэлийн үзэсгэлэнгүүдийг тодорхой хэмжээнд зохион байгуулж ирлээ.
Өнөөдөр Монгол Улсын Ерөнхийлөгчийн зарлигийг цаашид хамтран ажиллах тодорхой зорилготойгоор холбогдох байгууллагуудад албан ёсоор гардуулж байна” гэлээ.
Монгол Улсын Ерөнхийлөгчийн 2016 оны 8 дугаар сарын 9-ний өдөр гаргасан Уран дархны урлагийг дэмжих тухай 115 дугаар зарлигт “Монгол Улсын Үндсэн хуулийн Гучин дөрөвдүгээр зүйлийн 1, Монгол Улсын Ерөнхийлөгчийн тухай хуулийн есдүгээр зүйлийн 1, Соёлын тухай хуулийн 18 дугаар зүйлийн 2 дахь хэсгийг тус тус үндэслэн зарлиг болгох нь:
1. Монгол Улсын Ерөнхийлөгчийн ивээл дор “Монгол дархан” үзэсгэлэнг 3 жил тутамд нэг удаа, долдугаар сарын эхний 15 хоногт зохион байгуулж байхыг Монгол Улсын Ерөнхийлөгчийн Тамгын газар, Соёлын асуудал эрхэлсэн төрийн захиргааны төв байгууллага, холбогдох төрийн бус байгууллагад даалгасугай.
2. Монгол үндэстний сонгодог өв-уран дархны урлагийг өвлөн уламжлах, хадгалан хамгаалах, олон нийтэд сурталчлан таниулах чиглэлээр үндэсний хөтөлбөр боловсруулан хэрэгжүүлэх; уг салбарт идэвхтэй ажиллаж буй иргэдийг хөхиүлэн дэмжиж байхыг холбогдох төрийн байгууллагад даалгасугай.
3. Монгол уран дархны урлагийг өвлөн уламжлах, хадгалан хамгаалах, судлан шинжлэх үйлсэд идэвх, санаачилгатай ажиллахыг шинжлэх ухаан, хэвлэл мэдээллийн байгууллага, гадаад, дотоодын эрдэмтэн судлаачид, иргэд, төрийн болон төрийн бус байгууллагад уриалсугай” гэжээ.
Сэтгэгдэл0
БАЙХ ЁСТОЙ БИШ ҮҮ ДЭЭД ОЮУН САНААНЫ ҮНЭ ЦЭНИЙН ТУХАЙД ИЙМ ШИЙДВЭРЭЭ ГАРГААЧ ТЭГЭЭД ЭНЭ ГАРГАСНААС ЧИНЬ ДЭЭД ИЛҮҮ ДЭЭД ОЮУН САНААНЫ НЕОПАРАДИГМЫН БОДЛОГО ...
МОНГОЛ ГЭРИЙН АНАЛОГИ ТӨСӨӨ БҮТЭЭХ АРГА., PARADIGM SHIFT
Эл саналыг Засгийн газар, Эдийн засгийн хөгжлийн яамнаас дэмжиж, холбогдох яамдад хуваарилаад байна. Эдийн засгийн хөгжлийн яам: Хариу хүргүүлэх тухайд Шинэчлэлийн Засгийн газрын “11-11” төв-д ирүүлсэн 2013 оны 07 дугаар сарын 21-ний өдрийн 13007205071 тоот хүсэлттэй танилцаж, дараах хариуг хүргүүлж байна. “Монгол брэнд түншлэлийн холбоо байгуулах” тухай Таны саналыг хариуцсан чиг үүргийн дагуу дараах яамдад хүргүүлснийг үүгээр мэдэгдэж байна. 1. Үйлдвэр, хөдөө аж ахуйн яам- Экологийн цэвэр ноос, ноолууран эдлэл болон арьсан эдлэл хэрэгсэл, Монгол малын мах, бэлэн бүтээгдэхүүн, Дээд сортын чацаргана; 2.Боловсрол, шинжлэх ухааны яам- Монгол гэрийн аналоги онол; 3. Соёл, спорт, аялал жуулчлалын яам- Монгол гэр хийгээд нүүдлийн соёл, иргэншлийн зарим үнэт өв, Монгол язгуур урлаг, Монгол эрийн гурван наадам, Диназавр тэргүүтэн түүх., Менежмент: Кластерийн буюу Системийн эмх цэгцийн тухай.,