sonin.mn
Сэтгэгдэл (0)
ХАНОЙ. /Anadolu/. Вьетнамд үер болсны улмаас 21 хүн амь эрсдэж, 100 мянга орчим айл өрхийн орон гэр усанд автсан байна.
 
Вьетнамын төвийн бүс нутаг болон бусад газарт өнгөрсөн долоо хоногоос эхлэн бороо зүсэрч орсоор байна.
Үерийн улмаас 21 хүн амь эрсдэж, найман хүн сураггүй болсон нь тогтоогдоод байна гэж албаны хүмүүс хэллээ.
Мөн үерийн улмаас 50 мянга орчим хүнийг нүүлгэн шилжүүлжээ.
 
Вьетнамын Засгийн газар өнгөрсөн амралтын өдөр яаралтай хуралдаан хийж, үерийн улмаас хохирсон хүмүүст тусламж хүргэх, эвдэрч гэмтсэн зам талбай, байшин барилгыг сэргээн засварлах ажлыг түргэвчлэхийг  холбогдох албаны хүмүүст үүрэг болгосон байна.
 
Тус улсын төвийн болон хойд зүгийн нутгаар ширүүн бороо үргэлжлэн орох төлөвтэй байна гэж цаг уурчид анхаарууллаа.
 
Г.Доржханд
Эх  сурвалж: “Монцамэ” агентлаг