sonin.mn
Сэтгэгдэл (0)
БЕРЛИН. /ВВС/. Германы баруун нутагт нэгэн химийн үйлдвэрт томоохон дэлбэрэлт болсны улмаас хоёр ажилтан амиа алдаж, зургаан хүн ноцтой гэмтэж бэртжээ.
 
Дэлбэрэлт даваа гарагийн өглөө Людвигсхафен хотод болсон байна. Тус химийн үйлдвэр нь химийн томоохон компани болох “BASF”-ынх аж.
Тус компанийн мэдэгдсэнээр, хоёр ажилтан сураггүй алга болжээ.
 
Рейн голын дагуу оршдог тус үйлдвэр нь цистернээр тээвэрлэдэг шатамхай шингэнээр химийн бүтээгдэхүүн хийдэг гэнэ.
Боомтыг үйлдвэртэй холбодог дамжуулах хоолойд гал гарсны дараа дэлбэрэлт болсон гэж гал сөнөөгчид хэлэв. Гэхдээ дэлбэрэлтийн шалтгаан тодорхойгүй хэвээр байна.
 
Г.Доржханд
 
Эх  сурвалж: “Монцамэ” агентлаг