sonin.mn
Сэтгэгдэл (0)
Монгол Улсын Гавьяат жүжигчин Ганбаатарын Ариунбаатарт Төрийн дээд шагнал, тэргүүн зэргийн одон "Чингис хаан" одон хүртээхээр болжээ.
 
Жил бүр тэмдэглэдэг Монгол бахархлын өдөр аравдугаар сарын 31-ний өдөр тохиож буй. Тус өдрөөр дэлхийд Монголынхоо нэрийг дуурсгасан эрхэмд "Чингис хаан" одонг гардуулдаг уламжлалтай.
 
Энэ жилийн хувьд Монгол Улсын Ерөнхийлөгч Ц.Элбэгдоржийн зарлигаар П.И.Чайковскийн нэрэмжит олон улсын мэргэжлийн дуурийн дуулаачдын XV уралдааны I байр, Гран при шагналт, Маринский театрын гоцлол дуучин Ганбаатарын Ариунбаатарт энэхүү шагналыг хүртээхээр болсон байна.
Одоогоор эл шагналаар Ерөнхийлөгч асан П.Очирбат, хөгжмийн зохиолч Б.Шарав, Ерөнхий сайд асан Д.Бямбасүрэн, УИХ-ын асан Р.Гончигдорж, Ерөнхийлөгч асан Н.Багабанди, УИХ-ын гишүүн асан Д.Дэмбэрэл, Ерөнхий сайд асан П.Содном, эрдэмтэн Х.Намсрай, зохиолч Г.Мэнд-Ооёо нарыг шагнаад байгаа юм.
 
Б.Туул
Эх  сурвалж: “Монцамэ” агентлаг