Лхагва - 04 сарын 24,
2024
УИХ-ын Эдийн засгийн байнгын хорооны өчигдрийн хуралдаанаар Эдийн засгийн хүндрэлийг даван туулах, тогтворжуулах хөтөлбөр батлах тухай УИХ-ын тогтоолын төслийн анхны хэлэлцүүлгийг хийж, ажлын хэсгээс оруулж ирсэн зарчмын зөрүүтэй саналын томъёоллоор санал хураалган, чуулганы нэгдсэн хуралдаанд оруулахаар болж, шийдвэрлэлээ.
Санал хураах шатанд Хөшигийн хөндийд баригдаж буй олон улсын нисэх онгоцны буудлыг даган бий болох хотын ерөнхий төлөвлөлтийг боловсруулж, хэрэгжүүлж эхлэх, Төрийн албаны шинэтгэлийн хүрээнд цомхон чадварлаг байх бүтцийг бүрдүүлэх зэрэг ажлын хэсгээс гаргасан саналууд дэмжлэг хүлээв. Мөн Я.Содбаатар, Г.Занданшатар гишүүний тогтоолын төслийн хавсралтын хүрэх үр дүнг Моодсын зээлийн зэрэглэлийг хоёр төвшнөөр ахиулж, олон улсын байгууллагуудаас гаргадаг зээлжих зэрэглэл, хөрөнгө оруулалт татах индекс, бизнес эрхлэх чадварын индекс, өрсөлдөх чадварын индексийг сайжруулах санал, Ж.Бат-Эрдэнийн Атрын III аяныг үргэлжлүүлж, хэрэгжүүлэх саналыг гишүүд дэмжлээ.
Харин УИХ-ын гишүүн Х.Болорчулууны Эдийн засгийн хүндрэлийг даван туулах хөтөлбөрт багтсан Гачууртын орд төслийг эдийн засгийн эргэлтэд оруулахыг унагая гэсэн санал нь гишүүдээс олонхийн дэмжлэг хүлээлгүй уналаа.
Тус байнгын хороо үргэлжлүүлэн Санхүүгийн зах зээлийн хорооноос хийсэн мэдээллийг сонссон юм.
Эх сурвалж: “Зууны мэдээ” сонин
Сэтгэгдэл0
2,5 тэрбум долларын үнэтэй Гачууртын ордыг ашиглахдаа Монгол улс хэдэн долларын ашиг олох гээд байгаа юм бэ??? Арай 200 хан саяаар өгөх гээд байгаа юм биш үү???
arai ch dendenee herew tegwel mongol uls uls bish boloh baihaa
Buuh ezen, butsah hayagtai ezentei bolgohgui margasaar baital ediin zasgiin ch ashiggui, baigal orchin ch suideed duusna daa. esvel ter haviig niited ni tusgai hamgaalaltand avaad hamgaalsan nertei suiruuleh yumuu neg tiish shiideesei.