sonin.mn
Сэтгэгдэл (0)
ВЕНА./Xinhua/. Нефть экспортлогч орнуудын байгууллага буюу ОПЕК-ийн гишүүн орнууд нефтийн үнийг өсгөхийн тулд олборлолтыг хязгаарлах эсэх тухай асуудлыг өнөөдөр хэлэлцэнэ.
 
ОПЕК-ийн гишүүн орнуудын төлөөлөгчид өнөөдөр Австрийн Вена хотноо тус байгууллагын төв байранд уулзалт хийх юм.
Тэд гишүүн 14 улсын 12-ынх нь нефть олборлолтын квотыг хэлэлцэх аж. Улс төрийн байдал тогтворгүй байгаатай холбоотойгоор нефть олборлолт нь эрс буурсан учир Нигери болон Ливийг квот тогтоох улсуудын тооноос хассан байна.
 
Уулзалтын үеэр Ираны асуудлыг голлон авч хэлэлцэж магадгүй. Барууны улсууд тус улсын эсрэг авсан хориг арга хэмжээгээ цуцалсны дараа Тегеран нефть олборлолтоо нэмэгдүүлэхээр төлөвлөж байгаа юм.
 
Дэлхийн эдийн засгийн их хямралын үед эрэлт буурсантай холбоотойгоор хамгийн сүүлд 2008 оны 12 дугаар сард ОПЕК олборлолтоо бууруулж байв.
 
Г.Доржханд
 
Эх сурвалж: “Монцамэ”агентлаг