Монголын төр, нийгмийн нэр зүтгэлтэн, маршал Юмжаагийн Цэдэнбалын мэндэлсний 100 жилийн ойг тэмдэглэх Монгол Улсын Засгийн газрын комисс, ШУА-ийн түүх, археологийн хүрээлэн, Ю.Цэдэнбалын академи хамтран Ю.Цэдэнбалын мэндэлсний 100 жилийн ойд зориулан “БНМАУ-ын бүтээн байгуулалтын жилүүд ба Юмжаагийн Цэдэнбал” сэдэвт эрдэм шинжилгээний хурлыг Төрийн ордонд зохион байгуулж байна.
Хурлыг нээж Монгол Улсын сайд, ЗГХЭГ-ын дарга Ж.Мөнхбат хэлсэн үгэндээ “Цэл залуу 24-хөн наснаасаа нам, төрийн жолоог атгасан түүний засаглалын он жилүүдэд эрүүл, боловсролтой, сурч мэдэх, хийж бүтээх их үйлсэд шамдан тэмүүлсэн шинэ монгол хүн төлөвшиж, Азиас Африк, Америк, Европ тивийг дамнан тусгаар улсын туг далбаагаа мандуулсан шинэ Монгол Улс мэндэлсэн юм. Цагийн аяс өөрчлөгдөж, дэлхийн социалист систем нуран унахад тухайн үеийн социалист улс орнуудын удирдлагад байсан олон нам, төрийн зүтгэлтэн системтэйгээ хамт буруушаагдаж нэр төр, алдар хүнд, амь насаараа хохирсоныг та бид ХХ зууны сүүлийн 10-н жилийн дэлхий нийтийн түүхээс сайн мэднэ.
Энэ хатуу жам, удирдагчийн эмгэнэлт хувь тавилан ч Бал даргыг тойроогүй. Гэхдээ түүх өөрийн шүүлтүүртэй, түүхийг бүтээгч ард түмэн гай, гавьяа хоёрын ялгааг олж харах нүдтэй учир Юмжаагийн Цэдэнбал гэх энэ хүн Монголын ард түмний сайн нэр, сайхан үйлсээрээ дурсагдан хүндлэгдэж байна. Цаг үе нь түүнийг буруутгасан ч түүх түүнийг цагаатган зөвтгөж Монголын их түүхийн хүндэт хойморт залжээ” хэмээн онцлов.
Хурлаар Академич Ж.Болдбаатар “БНМАУ-ын бүтээн байгуулалтын он жилүүд: Ололт, бэрхшээл, үр дагавар”, Доктор, профессор Ц.Жамбалсүрэн “Лидерийн онолын үүднээс Ю.Цэдэнбалын үйл ажиллагааг шинжлэн дүгнэх нь” сэдвээр үндсэн илтгэлээ танилцуулав. Мөн нийт 20 хавсралт илтгэлийг эрдэмтэн судлаачид танилцуулах юм байна.
XX зууны Монголын төр, нийгмийн зүтгэлтэн, маршал Ю.Цэдэнбал 44 жил Монголын төр, засгийг тэргүүлэн ажиллаж, эх орныхоо тусгаар тогтнол, бүрэн эрхт байдал, ард иргэдийнхээ сайн сайхан амьдралын төлөө амь амьдралаа зориулсан төр, нийгмийн зүтгэлтэн байв.
Түүний Монгол Улсын тусгаар тогтнолыг бэхжүүлэх, олон улсын нэр хүндийг өндөржүүлэхийн тулд явуулсан бодлогыг үнэлж, 1961 онд БНМАУ-ын Хөдөлмөрийн баатар, 1966 онд БНМАУ-ын Баатар, 1979 онд цэргийн дээд цол болох БНМАУ-ын Маршал цол олгожээ.
Сэтгэгдэл0
цэрэг стратегийн "А"байхгуй матард маршал,цол ,армийн албыг цэргийн хуаранд ганц хонож узээгуй ,дайн дажинд оролцохнь байтугай дэлбэрсэн бомбогний хиншуу унэрлэж узээгуй амьтанд улсын баатар цол олгох, гэх мэт энэ хунд ямарч хуртээлгуй падлийгуй нийгмийн салбаруудын цол гуншин шагналуудыг огдог байсан тэр уеийн монголын нийгэм ямар арчаагуй битуу таглаатай дотроосоо муудан оорийнхоо шуусэнд умхийрэн Цэдэнбалын орчинд тойрон бялдуучилж ая тал засан гуйлдэх хорхойнуудын хийсэн ажлын ур дунг Цэдэнбалын энгэрэр дуурэн гялалзах томрийн хогны цуглуулга харуулна.Амьдралдаа 1 хоног цэргийн алба хааж узээгуй хун Маршал цол шурхийгээдл шаагаад унагаж чадаж байгаа юм чинь бусад мэрэгжлийн цол гуншингууд бол яамай биз!Дуртайгаа авна байлгуй,гавьяат барилгачин,дуучин,жужигчин,за тэгээд улсын гавьяат хоньчин моньчин бол будаа будаа энгэр дуурэн гавьяат'!!!Энэ хуний гавьяа гуншингууд бол нэг иймэрхуу унэ цэнтэй шагналууд