sonin.mn
Сэтгэгдэл (0)
УИХ-ын чуулганы өнөөдрийн үдээс хойшхи хуралдаанд Ерөнхий сайд Ж.Эрдэнэбат мэдээлэл хийнэ.
 
Тэрбээр нийгмийн халамжийн чиглэлээр Засгийн газраас авч хэрэгжүүлж байгаа арга хэмжээний талаар чуулганы хуралдаанд танилцуулга хийх аж. 
 
Үдээс өмнөх хуралдаанд Хилийн тухай хуулийн шинэчилсэн найруулгын хэлэлцэх эсэх хэлэлцүүлгийг үргэлжлүүлнэ. Мөн Сэжигтэн, яллагдагчийг баривчлах, цагдан хорих шийдвэрийг биелүүлэх тухай хуульд өөрчлөлт оруулах тухай, Аялал жуулчлалын тухай хуульд өөрчлөлт оруулах тухай, Цэргийн албаны тухай хуульд өөрчлөлт оруулах тухай, Сонгуулийн тухай хуульд өөрчлөлт оруулах тухай, Зөрчлийн тухай хуульд өөрчлөлт оруулах тухай хуулийн төслүүдийн анхны хэлэлцүүлгийг хийхээр товложээ.
 
Харин чуулганы хуралдааны өмнө Хууль зүй, Төрийн байгуулалт, Эдийн засаг, Аюулгүй байдал, гадаад бодлогын байнгын хороо тус тус хуралдаж, Сэжигтэн, яллагдагчийг баривчлах, цагдан хорих шийдвэрийг биелүүлэх тухай хуульд өөрчлөлт оруулах тухай, Аялал жуулчлалын тухай хуульд өөрчлөлт оруулах тухай, Цэргийн албаны тухай хуульд өөрчлөлт оруулах тухай, Сонгуулийн тухай хуульд өөрчлөлт оруулах тухай, Зөрчлийн тухай хуульд өөрчлөлт оруулах тухай хуулийн төслүүдийн анхны хэлэлцүүлгийг хийн, чуулганы хуралдаан руу оруулах юм.
 
Б.Туул
Эх сурвалж: “Монцамэ”агентлаг