Баасан - 04 сарын 19,
2024
Монгол Улсаас АНУ-д суугаа Элчин сайд Б.Алтангэрэл, АНУ-ын Худалдааны төлөөлөгч, Элчин сайд М.Фроман нар 2017 оны 1 дүгээр сарын 19-ний өдөр Олон улсын худалдаа, хөрөнгө оруулалтын асуудлаар ил тод байдлыг хангах тухай Монгол Улс, АНУ хоорондын хэлэлцээрийг (Ил тод байдлын хэлэлцээр) хүчин төгөлдөр болгох тухай баримт бичигт гарын үсэг зурав.
Ил тод байдлын хэлэлцээр нь олон улсын худалдаа, хөрөнгө оруулалттай холбоотой хууль тогтоомжийн талаар олон нийтэд мэдээлэх, санал авах, хэвлэн нийтлэх, авилгатай тэмцэх зэрэг чиглэлээр харилцан мэдээлэл өгөх боломжийг бүрдүүлж буй бөгөөд хэлэлцээрийг байгуулсан нь худалдаа, хөрөнгө оруулалт, бизнесийн орчны ил тод байдлыг хангахад чухал ач холбогдолтой.
Түүнчлэн худалдаа, хөрөнгө оруулалтын тухай хууль, тогтоомжийг англи хэлээр хэвлэн нийтлэснээр Монгол Улсад АНУ болон бусад орны хөрөнгө оруулалтыг татахад томоохон хувь нэмэр болох юм.
Талууд Ил тод байдлын хэлэлцээрт 2013 оны 9 дүгээр сарын 24-ний өдөр Нью-Йорк хотноо гарын үсэг зурсан бөгөөд УИХ эл хэлэлцээрийг соёрхон батлах тухай хуулийг 2014 оны 12 дугаар сарын 5-ны өдөр баталсан.
Энэхүү хэлэлцээр 2017 оны 3 дугаар сарын 20-ны өдрөөс хүчин төгөлдөр үйлчилж эхлэнэ.
Сэтгэгдэл0
Манай дотоод хэрэгт орсон хэдэн зүйлс наад дотор чинь байдагюм. Үүнийгээ цуцалж, цуцлуулж чадсан л байгаасай. Гадаад яаманд гэрээ эрхийн тасаг гэж байсан. Их зүгээр тасаг бсн гэдэг. Үүнийг жаахан чадваржуулж цэвэр мэрэгжлийн болгох хэрэгтэй дэгээ. Ер нь манай бүх гэрээ, дахин хэлье, бүх гэрээ магайд алдагдалтай бдг юмаа. Дэлхийн худалд.байгууллагад орохдоо хүртэл 600 хуудас гэрээг нь орчуулж ойлгож чадахгүй орж бсн. Харгис гэрээ. Харин хятад энэ гэрээг нь чанд дагасан ч өөрийн талд ашигтай мөрдөж чадсан. Харгис заалтууд нь өөрсдийнх нь хоцрогдол, харанхуй, аж ахуйг харгис ч зөвөөр явуулахад тусласан. Хамгийн гол хятадын төр дхб-ын чанд заалтуудаар бамбай хийж улс орноо янзалж чадсан. Манайх болхоор ийм ч тийм ч гэж шүүмжилдэг, тэгээд л хоцрогдсон хэвээрээ. Чадлаасаа хэтэрсэн байдлаар ажиллдага ерөнхийлөгчөө огцруулья ч гэж бх шиг. Бандаашгүй шалдан, тархи хоосон зүгээр л хамар дор хагархай байгаа гэсэн синдромтой юмнууд л хашгичдаг. Цуурай цуурай.
Ингээд манайх колони улс болж байгаа юм даа.