Улаанбаатар /МОНЦАМЭ/.Метрополис хот буюу 1.3 сая иргэнтэй Улаанбаатарын нийт хүн амын 40 орчим хувь нь тохилог орон сууцад амьдарч байгаа бол 60 хувь нь гэр хороололд аж төрж байна.
Гэр хорооллыг ийнхүү тэлснээр агаар, хөрсний бохирдол хэрээс хэтэрч, хүн амын эрүүл мэнд болон хотын хөгжилд сөрөг үр дагавар дагуулсаар ирсэн. Үүнийг шийдэх нэг хөшүүргийг дахин төлөвлөлт гэдэгт нийслэлийн удирдлагууд төвлөрч байна. Төвийн бүсийн гэр хороолол 2317 га талбайг хамардаг бөгөөд орон сууцны хороололтой залгаа оршдог учир төвлөрсөн инженерийн шугам сүлжээнд холбох боломжтой аж.
Өнгөрсөн хугацаанд гэр хорооллын дахин төлөвлөлтийн төслийн хүрээнд нийт 78 мянга гаруй айлын орон сууцны барилга угсралтын ажил хийхээр төлөвлөсөн ч 4852 айлын орон сууц ашиглалтад оржээ. Гэр хорооллын дахин төлөвлөлтийн төслийн 24 байршлаас эхний ээлжинд инженерийн шугам сүлжээний 80-аас дээш хувийн хангамжтай 12 байршлыг сонгон нээлтэй дахин төлөвлөлтийг үргэлжүүлэх юм байна.
Нэг байршилд ганц компанийн монопольчлолыг халж, олон аж ахуйн нэгжүүдийг зэрэг оруулах замаар орон сууцны барилга угсралтыг хурдтай гүйцэтгэх боломжийг бүрдүүлж ажиллахаа хотын дарга мэдэгдсэн.
2018 онд 8 байршил, 2019 онд 9 байршил, 2020 онд нийт 41 байршилд инженерийн шугам сүлжээг бий болгох, санхүүгийн асуудлыг шийдвэрлэн ажиллаж “Нээлттэй дахин төлөвлөлт”-ийг үргэлжлүүлэх юм байна.
Төсөл хөтөлбөрүүдийг бүрэн хэрэгжүүлснээр 2020 он гэхэд Улаанбаатар хотын гэр хорооллын гуравны нэг хувь буюу 60 мянган айл өрх инженерийн шугам сүлжээнд бүрэн холбогдох бөгөөд үүнийг дагаад гэр хорооллоос үүдэлтэй агаар, хөрсний бохирдол 40 хувиар буурна гэж тооцож буй юм.
Б.Заяа
Эх сурвалж: “Монцамэ”агентлаг
Сэтгэгдэл0
батүүл шиг л мөнгө битгий идээрэй. хүүдээ тендер битгий өгөөрэй. батүүл байсан бол чулуудай нь би хийе гээд чадахгүй байж урвалзаад унана шүү.
morood gej bgashde yasan ard tumenee huurah arga oloo yu
2020 on ger horoolol bhgui bolgon buren barilgajuul. 3han saya hunii oron suuts barij yadaad bh yumgui shuu dee.
Чи барилга бариад гэр хорооллын айлуудыг оруулаадах. Гэртээ ганц түлээний амбаар босгож чадахгүй байж санаа нь саранд хүрсэн юм ярих юм
БЗД-гийн 12-р хорооны 7-р хэсэг Номин агуулах худалдаа байдаг орчимоор хэдэн жилийн өмнө цэвэр бохирын шугам татаж зарим айлууд мөнгө хөрөнгө гаргаж холболт хүртэл хийлгэсэн гэтэл одоо болтол ашиглалтанд оруулаагүй хэн нэг этгээд төслийн мөнгийг идэж уулаа. Ингээд байвал улс орон яаж хөгжих юм бэ? Мөн "Жигүүр гранд" газрыг нь аваад барилга барих юм болсон захирал Баттөр гэгч уулзаж, 600 м/кав газрыг маань 200 гаран саяаар үнэлэж 80-90 м/кав байр өгнө гээд дээр нь байгаа халаалт, цэвэр, бохироо шийдсэн 140 м/кав 2 давхар орон сууцыг маань 30 сая төгрөг өгнө. өөрсдөө нураагаад өөр газар зөөж барь гэж байсан. Энэ шиг улаан дээрэм гэж байх уу? Дахин төлөлвлөт гэж ийм дээрэм л бүү хийгээрээ дээ.