Улаанбаатар /МОНЦАМЭ/. Танай сонгууль их өрсөлдөөнтэй болдог учир манай ажиглагчид Монголд очиж сонгууль ажиглах их сонирхолтой байдаг.
Түүнээс гадна сонгууль зохион байгуулж буй Монгол Улсын туршлага болон сонгууль ажигласан талаарх манай ажиглагчдын тайлан зөвлөмжүүд, тэдгээрийг Монголын сонгуулийн байгууллага хэрэгжүүлж буй байдлаас Европын аюулгүй байдал, хамтын ажиллагааны байгууллагын гишүүн бусад орон их зүйл авч байгаа билээ.
Энэ тухай Европын аюулгүй байдал, хамтын ажиллагааны байгууллагын Ардчилсан институц, хүний эрхийн албаны захирал ноён Михаэль Линк Монгол Улсын Сонгуулийн Ерөнхий Хорооны дарга Ч.Содномцэрэнтэй өнөөдөр уулзах үеэр онцлон тэмдэглэв.
Тэрээр мөн Европын аюулгүй байдал, хамтын ажиллагааны байгууллагын урьдчилсан судалгааны баг Монголд ирж сонгуулийн урьдчилсан төлөв байдлыг судалж ажиглаад энэ талаарх тайлангаа удахгүй хэвлүүлж нийтийн хүртээл болгох гэж буй талаар танилцууллаа. Ноён Михаэль Линк цаашид шинжээчдийг Монголд ирүүлж сонгогчдод зориулсан хэвлэмэл материалыг хэвлэхэд дэмжлэг үзүүлэхээ илэрхийллээ.
Уулзалтад оролцсон Европын аюулгүй байдал, хамтын ажиллагааны байгууллагын Ардчилсан институц, хүний эрхийн албаны сонгуулийн асуудал эрхэлсэн газрын дарга А.Шлык, Монголын парламентын 2016 оны сонгуулийг ажиглаад “эерэг” гэсэн үнэлгээ өгсөн бөгөөд сонгуулийн байгууллагын ажилтнуудын мэдлэг өндөр, хуулиа баримталж ажиллаж байсныг тэмдэглэв. Сонгогчид ч сонгуульдаа итгэлтэй оролцсон тухай, сонгуулиудад автоматжуулсан системийг сонгож, ашиглаж буй талаар тодорхой мэдлэгтэй болсоноо тэрээр онцоллоо.
Монгол Улсын Сонгуулийн Ерөнхий Хорооны дарга Ч.Содномцэрэн Европын аюулгүй байдал, хамтын ажиллагааны байгууллагын ажиглагчдын тайлан зөвлөмж сонгууль зохион байгуулах, үйл ажиллагааг улам боловсронгуй болгоход их хувь нэмэр болж байгааг тэмдэглээд эдгээр зөвлөмжийг хэрэгжүүлж ажиллана гэдгээ илэрхийллээ.
Төлөөлөгчид тус байгууллагын бүсийн гишүүн орнуудтай тогтоосон харилцаа, хамтын ажиллагааны хөгжлийн явц, байдалтай танилцах ажлын хүрээнд ийнхүү Монгол Улсад хүрэлцэн ирсэн байна.
Ноён Михаэль Линк ХБНГУ-ын Гадаад харилцааны нэгдүгээр дэд сайд, Европын харилцааны асуудал хариуцсан төрийн сайд, мөн ХБНГУ-ын парламентын гишүүн байсан.
Сэтгэгдэл0
Гадаадын ажиглагч нэртэй утсан хүүхэлдэйнүүд Янкуудын хар машиныг өөгүй өндөг гэж хэлэх гэж ирдэг. Барууны орнууд Янкуудын тоглоомын хүүхэлдэй болчихсон гэдгээ ажиглагч дээр л харуулдаг.
ЦУС ШИНГЭЛЖ, СУДАС ЭРҮҮЛЖҮҮЛЭГЧ ЛИ ЭР КАН... ДАРАЛТ ИХСЭХ нь тархи – зүрх судасны хатуурал нарийсалтай шууд хамааралтай /Харвалт, зүрхний үйл ажиллагаанд нөлөөлөх/ бөгөөд СУДАСНЫ ХАТУУРАЛ НАРИЙСЛААС ШАЛТГААЛЖ тархи – зүрх -бөөрний цусан хангамжийн дутагдал, хүндрэл нь харвалт, шигдээс – ишеми, бөөрний дутагдал, Хөлийн судас нарийсч бөглөрснөөр хөлөө тайруулах хүртэл эмчилгээнд ордог билээ. Тэгвэл эдгээр эмгэгүүдээс эрүүлжиж, хүндрэлээс урьдчилан сэргийлж цусаа шингэн байлгахыг хүсвэл ЛИ ЭР КАН бүтээгдэхүүнийг хэрэглээрэй. Ли Эр Каны үйлчилгээ БҮТЭЭГДЭХҮҮНИЙ НАЙРЛАГА: - Альфа линолейний хүчил /ALA/, - Гамма линолейний хүчил /GLA/, - Эйкозапентаены хүчил /EPA, Омега-3/ - Докозагексаений хүчил /DHA, Омега-3/ - Ногоон цайны полифенол - Токоферол /Е витамин/ зэрэг нийт 28 төрлийн Ханаагүй тосны хүчил ҮНЭ: 1 курс- 3 сар хэрэглэх 680’000₮, 1 сараар хэрэглэх нь 240’000₮ Лавлах утас: 96665038 ЛИ ЭР КАНы танилцуулга бичлэг: https://www.youtube.com/watch?v=XZjH7-ny-ac
yaj Mongolchuudiig hoorondoo uimuulj dundaas n ashig oloh ve gej ajigladag bhgui yu. bid hoorondoo evtei bval gadniihand iduulehgui