МОСКВА./VOA/. Гурван жилийн өмнө Оросын бүрэлдэхүүнд орсон Крымын хойгт Оросын Хар тэнгисийн флот, Агаар-сансрын хүч, Агаарын десантын цэргийн /АДЦ/ өргөн хэмжээний хээрийн сургууль даваа гарагт эхэлсэн тухай Оросын хэвлэл мэдээллийн хэрэгслүүд АДЦ-ийн командлагчийн хэлснийг иш татан мэдээллээ.
Командлагчийн ярьснаар, уг цэргийн сургуулилт “Опук” хээрийн сургуулийн талбайд эхэлсэн байна. Хээрийн сургуульд нийтдээ 2500 гаруй десантын цэргийн албан хаагчид, 600 гаруй нэгж байлдааны техник оролцож байна. Цэргийн хүчийг түгшүүр зарлан дайчилж, Крымд татан байрлуулжээ. Хээрийн сургууль хийх болсон нь террорист халдлагын аюул занал өсч байгаатай холбоотой ажээ.
Оросын десантчдын сургуулилттай зэрэгцэн Хар тэнгист Украины Тэнгисийн цэргийн хүчин, НАТО-гийн хөлөг онгоцнуудын хамтарсан сургуулилт болж байна.
Дашрамд дурдахад, Крымийн нутаг дэвсгэрт алсын тусгалтай зенитийн пуужингийн С-400 “Триумф” цогцолборын нэг хороог байрлуулсан байгаа төдийгүй дахин нэг хороог байрлуулахаар төлөвлөж байгаа аж. Крымын хойгт одоо Оросын 20 мянга гаруй цэрэг төвлөрчээ.
Десантын цэргийн сургуулилт эхлэхийн өмнө Крымд Зөвлөлтийн үеийн хаягдсан цэргийн объектуудыг сэргээн босгох ажил явагдаж байгаа, мөн шинээр тэнгисийн цэргийн бааз, радиолокацийн станц, нисэх онгоцны буудлууд барих ажил эрчимтэй явагдаж байгаа тухай “Reuters” агентлаг мэдээлж байсан билээ.
О.Барс
Эх сурвалж: "Монцамэ" агентлаг
Сэтгэгдэл0
Ах нар ч укрфашистуудыг бяц дэвсэх нь дээ.
Яагаад оросоос бараг л бүх хөршүүд нь нүүр буруулаад НАТО,ЕХ руу гүйлдээд байна?Яагаад хүйтэн дайны үед ч төвийг сахиж байсан скандинавын улсууд НАТО д элсэх талаар ярьиад эхлэв? Бүгдээрээ нийлж байгаад оросыг эзлэн түрэмгийлж газар нутгийг нь хувааж хүн ардыг нь боолчилох гээд байгаа юм болов уу?
эх орноо аварч чадах төртэй байх цагаан атаа хүрч бна.
Украины авилгалчдыг худалдаж аваад хөршийнх нь эсрэг турхирч байна. Яг манайх шиг хэдэн авилгалчдыг сонгож аваад хар машинаар боловсруулж ард түмнийх нь эсрэг турхирдаг. Арга технологи нь нэг юм байна.
Тэр жил хар машинаар АН ялсан,өнгөрдөг жил бас л хар машинаар МАН яллаа. Аль нь худалдагдсан авилгачид вэ?
aguu orond aguu amidrah saihan umaa. manaih shig gadnii bogs dolooj uls oron gazar shoroogoo uraldaj zarj hudaldahgyi, 1 santimetr gazriinhaa toloo temtseh um. mongold bol eronhiilogch baisan ni baigaa ni hyrtel mongoliig yzen yadaj haana u baigaag ni gadaad ezendee zaaj ogch gadaad ezendee zytgene